Amerika grişo mu Tukoso Tibeoloyo di Sıha (WHO)

U rişono d’Amerika Donald Trump mawdacle du athreyde grışle i hadomutho dkıtle bu şutoso du hulmono tibeloyo.

Bıthır mi maqırhonuthathe u mşalo da esore baroye du Senato du athro Bob Menendez mırle u groşano d’Amerika mu şutoso du hulmono bu zabno dkito u kewo di Corona latyo fusqono bi duktho.

Donald Trump bıthır me gzome mşahılfe dsımle dıthımwole u şutoso du hulmono dıkmosık u gabo du Sin mawdacle d’Amerika grışla ruha mi hadomutho du şutosano ruşmoyith.

Bi mqaırhonutho dhule Tramp mırle mawdacli i kongre d’Amerika dıgrışlan ruheyna mu şutoso du hulmono WHO.

Ba maqırhonwotho dsımwole meqım mawdacwole dımaklele u snodo zuzonoyo lu şutosano du hulmono.

Bhaq di sbuthathe u mşalo da esore baroye du Senato d’Amerika Bob Menendez mawdacle ilo thnihutheyde calu fusqonano dmıdle Trump u mırle i mdabronutho du athreydan kayuto u gıdfayşo lruha bıthır mıd mıdla u fusqonano.

Bi sbuthathe u rişono Trump sımle u mede dmırwole meqım dımhadarwole u şutoso en dlowe kino mqabıl da hadome kule gıdmıgrış mene griş kulonoyith u ruşmoyith.