Amerika kıbco dımjarbo a zayneyde a Nukleer

I şultonutho d’Amerika kıdorşo a mkone, dımjarbo a zaynayda du nukleer.

 Bu tebano dfrısla i sfaryawmo d’Woşington Post kımawdıco, dothe i şultonutho dmaydo fusqono bi sbuthathe, u jerobano da zayne nukleer d’Amerika gıdhowe u qamoyo bıthır mi şato dan 1992.

 U tebo dfrısla i sfaryawmo d’Woşington Post, grışle adyawma u zuhoro du tbocofroso Emwothoyo. Lfuth u tebano, i mdabronutho d’Amerika kıdorşo en gıdsaymo u testayda u qamoyo da zayne nukleer bıthır mi şato da 1992, leşan dmahwıyo u haylayda l’Rusya ulu Sin.

 Woşington Post mawdacla, d’mşalo bı darğo celoyo b’Amerika mırle; Kito droşe, dmisım test du nukleer. U jerobano’ste gıdmisım bı duyoqo kamilo. İ mdabronutho d’Trump kmıtyaqno, du çerobano kibe dhowe mawthrono, leşan a 3 athrawotho dmodın qyomo da zayne nukleer camhıdode.

 I şultonutho d’Amerika, kıtuhmo Rusya u Sin, dmabdelın naqla hreto jerobe da zayne nukleer. Elo bi sbuthathe’ste, heş holucdo lo fris tebe bu tbocofroso dıkmthabti i idicathe d’Amerika.