Amerika kmıstacmılo zayno hatho b’Suriya

A hayle dilonoye d’Amerika dkıtne b’Suriya, kımjar bşıkıl sistem d’zayno hatho, ba cuqobe dıksaymi bi hamlathe i harayto dmabdele u koalisyon Emwothoyo cama Haylawotho d’Suriya Demoqratoyto mqabıl da ğrobe marhıbone d’Dacış bi Hasake ubı Deyr Ezzor. Bu sistemano dışme SMAK-2000, kibın a folhe Amerikoye bı garanti rabo, dmohın baroyo bu nişo dkımbayni.

Ba yawmotho dı şafıcina, mabdewole u koalisyon Emwothoyo dkıtyo bi rişonutho d’Amerika hamle hathto cama Haylawotho d’Suriya Demoqratoyto mqabıl da krılyotho da ğrobe marhıbone d’Dacış hedor i Hasake uhola thume du Iraq.

U koalisyon Emwothoyo makadle u tebano u mawdıcste da hayle dilonoye d’Amerika dkıtne ucdo b’Suriya, kımjarbi şıkıl zayno hatho dıkmidabır me komputere. Bu sistem du zaynano d’ışme SMACH-2000 kmitahwe garanti, du folho kibe baroyo dmohe bu nişo dkımbayın.

A folhe dilonoye d’Amerika dkıtne bi foqudutho d’al Tanf b’Suriya, kımjarbi ucdo u sistemano d’SMACH-2000, kıtle durben dilonoyo ucamu zayno d’M4. U sistem hatho snic mi şırke d’Smart Shooter dkıtyo masırto bi wazirutho du sutoro d’İsroyel.

U zaynano, kımohe u buğrayde belhude inaqla dkıtyo makdo dkibe dmohe baroyo bu nişo. A hayle du koalisyon Emwothoyo, kımnasın dımjarbi sisteme d’zayne frişe, leşan dıqudri bı caşinutho dımadrın udı quşci i ithutho du tukoso marhıbono d’Dacış b’Suriya.