Amerika lıgmahto İmdabronutho Yothoyto bu qonuno d’Caesar

U mathlono d’Amerika dcalu garbay madınho d’Suriya William Robak hawile ytawto cami Mdabronutho yothoyto du kanton d’Kobani.

 Bi ytawtathe, imdabronutho huwla mawdconutho lu mathlono Amerikoyo cala fulhone dıkmaşın ucali aykanoyutho harayto du garbay madınho d’Suriya. Robakste makadle, dlatte plan dmafiti u qonuno d’Caesar cala dukotho di Mdabronutho yothoyto.

Bu zabno di socurutho dsımle u mathlono d’Amerika bu garbay madınho d’Suriya William Robak lu garbyo d’Suriya, hawile ytawto cami Mdabronutho yothoyto du kanton d’Kobani u mawdacle, dlıgmafiti a dukotho frişe di Mdabronutho yothoyto bi agenda du qonuno d’Caesar.

Bebzabno, gıdhowela Amerika wi Mdabronutho yothoyto kordinasyon u fulhone camhıdode, leşan u snodo da tahrazyotho dıgmisomi bu qlimo. Me gabo hreno, bu zabno da droşani kleste gawonoyith cali aykanoyutho harayto du qlimo bu haqlo du momuno, folhoyo, kenşoyo.

Camatheste drişi a casqotho dkito ba şutose mdinoye uğer şwole dıkmathri cala yuthrone mşawtıfe d’Amerika udi Mdabronutho yothoyto du garbyo udu madınho d’Suriya. I mdabronutho d’Kobani grışlaste u zuhoro calu qetro di mşaynutho dcala thume mcal fothe da hjome da hayle kaboşe d’Turkiya cala qıryawotho, cala mdinoye wu dyoşo dkowe lu qyomo di şalyuthzayno.

Robakste bu mamlayde m’akadle cali ulsoyutho du terkiwo du system folitiqoyo leşan Suriya demoqratoyto lo qentrunoyto u kali cala zedqe qonunoye da came frişe du athro. William Robak huwle şudoyo, dımqadım taşroro rwiho li şultonutho d’Woşington bhaq da qetre folitiqoye udi mşaynutho du qlimo, bnişo dmıcwıd leşan şroyo la şwolani dıkloqın a came du garbyo d’Suriya.