Amerika lo makşarla bu neqoyo d’rişono lu mawtbo tahtoyo
U futoho di kongre d’Amerika adşato, mşarele bu jğuşyo ubi lo awyutho dhawyo dminaqe rişono hatho lu Mawtbo tahtoyo. U mraşho qutnuthoyo Kevin McCarthy mvayacle a tlotho guboye dsimi u lo mıdle snodo makfıyono leşan dhowe u rişono hatho du Mawtbo tahtoyo di kongre d’Amerika.
WAŞINTON – Awıl naqla bu zabno da 100 eşne haroye du makthabzabno d’Amerika, lo qadır u Mawtbo tahtoyo du athro dımnaqe bhdo ytawto, rişono hatho. Camathe’ste, walaw sim 3 naqlat guboye, lo qadiri naqla hreto a demoqratoye wa qutnuthoye du athro, dımnaqın rişono hatho lu Mawtbo tahtoyo.
U mraşho da qutnuthoye Kevin McCarthy lo naçıh dmalım sagiyoyutho d’qole ba 3 guboyani dsimi bu Mawtbo tahtoyo, dkıtyo ucdo bide da qutnuthoye. McCarthy qayıthwole athmıl 203 qole ma 218 dıklozamwole, leşan dmoyıd dukthe d’Nancy Pelosi. Bu Mawtbo tahtoyo, kito 435 hadome wu kull 2 eşne kminaqe rişono hatho
I celtho dlo mnaqe’ste, cal dhın ma sanode du rişono qutnuthoyo catiqo Donald Trump, lıkhozın d’McCarthy qutnuthoyo makfıyono’yo leşan dkole mqabıl da demoqratoye. Bıthır ma 3 guboye dsimi, mşawhır u guboyo hreno lhol adyawma.
Inaqla harayto dlo qadır u Mawtbo tahtoyo d’Amerika baroyo-bha knuşyo dımnaqe rişono hatho, ban 1923’we.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
