28/07/2021

Amerika mabdela fulhone leşan u tedciro di luho d’Gilgameş lu athro du Iraq

Amerika mabdela fulhone leşan u tedciro di luho d’Gilgameş dkıtyo 3.500 eşne catıqto lu athro du Iraq.

Mawdıc di luhathe dkıtwa holucdo b’bethcatiqotho b’Amerika, gıdmitadcıro lu Iraq, bıthır mu fusqono dgımoyıd u dayono du bethdino.

İ luhathe du homuso d’Gilgameş dkıtyo 3.500 eşne catıqto hani zabno bi bethcatiqotho du Mgalyuno qadişo b’Woşington d’Amerika’wa. Adyawma’ste kmıntır du dayono du bethdino dmoyıd fusqono, calu tedciro di luhathe lu Iraq.

İ luhatheste, hdo ma athare makthabzabnoye du Iraq udu Madınho Mescoyo d’zwinowa mu farsufo catiro Gavid Green, dkıtyo u moro di şişaltho da dukane d’Hobby Lobby. İ wazirutho di kinutho d’Amerika, mahıtwola ido cali luhathe ba 2019.

2 eşne meqım, ftıhwole Green bethcatiqotho la athare du makthabzabno da Mşihoye b’Woşington, elo i wazirutho Amerikoyto m’akadla di luhathe dıkmidoco bu ışmo; u Hulmo d’Gilgameş, zwinowa b’mazad ba 2014 b’1.67 milyone dolare. İ luhathe’ste bşıkıl lo qonunoyith-awkith b’gnowo, macbırowa l’Amerika ba 2003.

Ucdo’ste i mşalonitho d’New York bi wazirutho di kinutho Jacquelyn Kasulis mawdacla dmabdelın fulhone leşan u şohlofo di morutho di luhathe leşan bıthır dmidacıro la morayda bu Iraq. İ luhathe’ste hdo ma athare catiqe dkito bi morutho di şırkathe Hobby Lobby’yo wa atharani’ste kıducri l’meqım 3 alfo-4 alfo eşne.

Check Also

U cadcido du Slibo dımtayabwo bi qastra dı Tellısqof di daşto d’Ninwe mkamele ucdo a hfitwothayde

U cadcido du Slibo mqadşo dımtayabwo bi qastra dı Tellısqof di daşto d’Ninwe, mkamele ucdo…