Amerika madcarla i luho d’Gılgameş lu Iraq

Amerika maslamla i luho makthabzabnoyto du humoso d’Gılgameş lu Iraq. i luhathe, kıducro l’meqım 3.500 eşne.

İ luhathe dıkmadilo calu hulmo dkıtwole Gılgameş, kımşaklo ha ma fulhone catiqe di britho bu haqlo di sefroyutho.

Amerika madcarla yawme d’Hamşo d’şafıcina i luho catıqto du humoso du malko Gılmgameş lu Iraq. İ luhathe maslımo b’zawho ruşmoyo lu waziro di mardutho Hassan Nazim bu zawho dsim bu Enistitut d’Smethsonyan b’Waşington b’Woşington. İ rişonitho d’UNESCO Audrey Azoulay mawdacla, di luhathe dımadcıro la morayda a şerşoye, zoxutho’yo cala şabakat dıkmahrıwi i yortutho dbritho.

Calu talab d’UNESCO, mşadarwo bu yarho d’Tamuz 17 alfo falqe d’athare lu Iraq wi luhathe d’Gılgameş dkıtyo snıcto mu tino, kthiwo ba kthawyotho da basmore, u kmıhşowo hdo ma syome catiqe dbritho di sefroyutho. İ luhathe mqafyo’wa, bu zabno du Amerikoyo catiro David Green dkıtyo u rişono di dukano d’Hobby Lobby mahıtwole i luhathe u athare hrene lu froso bi bethcatiqotho du Kthowo qadişo b’Woşington.

Leşan u mşalo di daira da buhone du gumruk d’Amerika Steve Francis, dımqafele i luhathe, sbutho ğalabe dilonoyto’yo. Cal Francis man abne du camaydan di cito Kaldoytoyo u ğalabe naqlat azze lu Iraq, leşan u hefodo da athare makthabzabnoye du athro.

A marhıbone d’Dacış mahrawolın athare u dukotho catiqe bu Iraq ubı Suriya beyn da 2014-2019. İ luhathe’ste mahıtwo ido acla mi wazirutho di kinutho d’Amerika ba 2019, 2 eşne bıthır mıd Green ftıhwole bethcatiqotho b’Woşington calu makthabzabno catiro di Mşihoyutho.