Amerika mahıtla Katayıb al İmam Ali du Cıraq, bi lohithayda di marhıbonutho
İ wazirutho di xazina d’Amerika, mahıtla ğrob folhoyo du İran dkıtyo bu athro du Cıraq, bi lohithayda di marhıbonutho. İ wazirutho di xazina mawdacla’ste, dımbayanla Nasr al Şammari dkıtyo mşalo d’Hizballah bu Cıraq, bi lohithayda da farsufe dıkmşakli qento.
WASHINGTON — Bu zabnano dqaşyo i mwatyutho bu Madınho Mescoyo u dilonoyith beyn İsroyel u İran, tlıbwola Amerika athmıl ma bnaymothoyayda dmaydi a tedbirathe u dnufqi mu Cıraq. Bu tarano’ste mabdela İsroyel a cuqobayda calu İran, u Amerika’ste maqşela u hbosayde cala hayle Cıraqoye dıksundi u İran.
Athmıl mıdla i wazirutho di xazina d’Amerika fusqono dmahto u ğrob İranoyo dkıtyo bu Cıraq Katayıb al İmam Ali bi lohithayda di marhıbonutho. İ wazirutho di xazina bi maqırhonutho dfrısla m’akadla, dmahıtla’ste Nasr al-Shammary-u mşalo d’Hizballah al Nujaba dkıtyo noqufo du İran bu Cıraq, bi lohithayda da farsufe dıkmıkrıx aclaye.
Calu fusqonano’ste, a hadome di kongre d’Amerika Joe Wilson u Gregory Steube frıslın egrotho ba dafathe du nawlo u mırlın; Fsihoye’na di wazirutho di xazina mahıtla u ğrobano bi lohitho di marhıbonutho-xıd aydarbo hani şabe kıtulbina mena dmaydo hawxa fusqono. İ şultonutho klozım’ste dmahto a hayle Cıraqoye d’Badr bi lohithathe, calu qento dıkmşakli la yuthrone d’Amerika bu Cıraq.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
