Amerika mahıtla tedbire cal Turkiya

Amerika hadırtoyo dmahto tedbire cal Turkiya, cal dızwınla sistem da soruhe d’S-400 me Rusya. İ mawdconutathe hiwo me hamşo mabuce; beynothaye tıre mşale Amerikoye.

 Dothe Amerika dmahto a tedbirani cal Ankara, gıdmitaqşıyo i mwatyutho dkito ucdo beyn da tre athrawotho dkıtne hadome bu NATO u bi sbuthatheste u rişqutno Turkoyo mırle; Hano lo iqoroyo mqabıl dathro hadomo hreno muttafik bu NATO.

Mabuce frişe mawdaclın, di şultonutho d’Amerika kımhadro ruha dmahto tedbire frişe cali şultonutho d’Turkiya wi celtho rişoyto du tehito da tedbiraniste, cal Turkiya zwınwola sistem da soruhe d’S-400 me Rusyayo. A tedbirani dgımaqhıri Turkiya, kit’ste dım’watın a esore cami şultonutho du rişono hatho Joe Biden.

A mabuce mawdaclınste, da tedbirani kit dmimodi calu endustri du sutoro d’Turkiya u du rişonayda İsmail Demir u bu şıkılano, gıdmitahwe husrono lu athro u dmitadhcıfi a zuzayda zıttır. Bebzabno a tedbirani gıdobınste husrono lhaqle frişe; beynothaye u momuno du athro d’axile dharbo mu pandemi di Corona.

Dothe dmitahti a tedbirani cal Turkiyaste, egarthoyo lğer athrawotho dkubci dzawni zayne u lojistik folhoyo me Rusya. U rişono Amerikoyo zabno yarixo mqabıl du tehito da tedbire cal Turkiyawe elo mşale frişe heş ma 2019, kıtulbi mene dmahıt a tedbirani cal Ankara. Dothe i butja du sutoro d’Amerika dmiaydo mu senato, gıdmıjboro Waşington dmahto a tedbirani cal Turkiya b’zabno d’30 yawme.

Elo bcayni zabno, lıkubco Waşingtonste dtufko Turkiya zıttır laf Rusya. Cala tebani dfrisi cala tedbire, u rişqutno Turkoyo Recep Tayip Erdoğan mahwele hfuxyo qaşyo u mırle; Hano lo iqoroyo mqabıl d’athro hadomo hreno muttafik bu NATO.