Amerika m’akadla dıqtil ha ma rishone d’Al Qacida bu athro d’Yemen

U rişono d’Amerika Donald Trump, m’akadle u qatlo du rişono du tukoso marhıbono d’al Qacida Qasım al-Rimi.

 Al-Rimi dkıtwe u mşalo d’al Qacida dcalan athrawotho Caraboye, qtil bı cuqobo oyaroye dsımla Amerika bu athro d’Yemen.

Bu mamlo dsımle u rişono d’Amerika mu Qusro Heworo mawdacle, bu amro dhuwole la hayle folhoye du athro, qtilın u rişono du tukoso marhıbono d’Al Qacida dcalan athrawotho Caraboye. U marhıbono Qasım al-Rimi, qtil bı cuqobo oyaroyo dilonoyo dsim b’Yemen.

Lfuth u Qusro Heworo, al-Rimi bıthre du amro udu şeçoco da hçome dsımlın a marhıbone cal Amerika ucala haylawothayda’yo; beynothaye u hçomo dsim cali foqudutho d’Amerika b’Florida. U tebano du qatlo d’al-Rimi, frıswo heş meqım şabtho, elo Pentagon labico’wa dobo fuşoqo bi sbuthathe.

Bi maqırhonuthathe d’Trump’ste, lo mawdıc ema qtil u rişono d’al-Rimi, dkıtwe heş ma 2015 u mşalo d’Qacida calan athrawotho Caraboye. Mi şato da 2000, kıtwole u marhıbonano sawco ba hçome dsimi b’Yemen, bi Scudiye uban athrawotho du Macırbo.