Amerika maklela afyoreyda me urifi mi sıbbe du virus Corona

U rişono d’Amerika Donald Trump bi maqırhonuthıo dıfrısle lu tboco froso mawdacle d’Amerika maklela kul fyoro da tayısyotho me Urifi l’Amerika star me Britanya.

Trump bi maqırhonutheyde mawdacle me yawme dı crutu hul 30 yawmotho lafqadam lı kowe d’Tayısyotho me Urifi dı fayri l’Amerika me fothe du kewo di Corona.

Trump mırle u kewo du virus me farsufe dkothın ma athrawotho d’Urifi kminqıl l’Amerika mawxa bıthır me yawme dı cruto lı kowe dı tayısyotho othe ma athrawotho d’Urifi lı Amerika.

Bgawe du fusqonano dmıdle u rişono Trump trele ha athro dımşarele dı nofıq mu huyodo d’Urifi u athro dı Britanya mu fusqonano, awkith me britanya a tayısyotho kibin fayri l’Amerika.

Bgawe du fusqonano lıg cıbri a tayısyotho di tagorutho, hani kibin fayri me urifi l’Amerika kyonoyith.

Trump bi mawdconutho dhule mırle, drışlan u mede dhawi bu Sin b’Kore u şamicina u fusqono haroyo du şutoso du huolmono baynothemwothoyo WHO dmırle u kewano hawi kewo dımmbarbıs bı britho kula, mawxa mıdlan u fusqonano dkıtyo fusqono qaşyo.

U fusqoanano latyo la tayısyotho dıg fayri me Amerika la athrawotho hrene u bgaweye a athrawotho du huyodo d’Urifi.