Amerika maklela tarte nuqazyotho hrene bi Hasake
A hayle Amerikoye dkıtne b’Suriya, grişi me tarte nuqazyotho hrene dkıtne bu garbay madınho d’Suriya. İ nuqazyotho d’Al Wazir u Tel Baydar dkıtne bi hiğmonutho di Hasake maxlın u fayış ucdo ba dukothani mınyono ma Haylawotho d’Suriya Demoqratoyto.
HASAKE, Suriye – Bu zabno dıkmdawım u qrobo beyn İsroyel u İran, a hayle Amerikoye’ste mıdlın a tedbirathe-u ya grişi l’ğer nuqazyotho yaste l’qentrune Amerikoye dkıtne bğer athrawotho du Madınho Mescoyo bnişo dhowın hadire dobın funoyo, en dothe İran dmohe ebeye. Lfuth u ajans da tebe d’Reuters, a 2 nuqazyotho dkıtne bi Hasake-Al Wazir u Tel Baydar maxlın ma folhe Amerikoye.
Mawdıc dfayış ucdo belhude mınyono d’Mharbone d’QASAD. İ mawdconutho du groşano d’Amerika’ste m’akıd ma hayle d’QASAD. A 2 nuqazyothani hawın a qentrune qamoye dım’akıd dmaxlın ubu dumyano, mati u mınyono da nuqazyotho dgrişi a Amerikoye menaye l’4 mu zabno dacır Donald Trump li rişonutho du athro.
Bu yarhano mawdacwola Amerika dgımanqıso u mınyono da folhayda b’Suriya-ma 8 nuqazyotho dkito lbelhude hdo. Awkith ma 2 alfo folhe Amerikoye, gıdmıtre 500 folhe. Bi sbuthathe’ste u rabhaylawotho d’QASAD grışwole u zuhoro calu qento dkito, dmitanqıs u mınyono da folhe bu zabnano, dıkmnase u tukoso marhıbono d’Dacış dmaqwe ruhe naqla hreto.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
