Amerika u Rusya makade u şroyo folitiqoyo b’Suriya kılozım dhowe lfuth a fusqone d’Emwotho Mhaydotho

Amerika u Rusya makadlın du şroyo folitiqoyo du kriz d’Suriya, klozım dhowe lfuth a fusqone d’Emwotho Mhaydotho.

 Bebzabno atre gabe, ba esore dhawilın camıhdode makadlınste dıklozım dmitarkıwo i şalyutho ba fenyotho d’Suriya dkibın taxtuşe u jğuşye.

 U mcadrono du waziro di baroyutho d’Rusya Sergey Verşinin wu mathlono dilonoyo d’Amerika b’Suriya James Jeffrey, athmıl hawilın esore camıhdode bu darbo du telefon, calu şroyo folitiqoyo du kriz d’Suriya.

Bu buyono dıfrısla i wazirutho di baroyutho d’Rusya, Verşinin u Jeffrey drışlın b’şıkıl rwiho i tahrazto du maşıqlo folitiqoyo hatho d’Suriya, lfuth u fusqono da 2254 dmıdwole u Mawtbo di Mşaynutho d’Emwotho Mhaydotho u dıkımakıd dıklozım dmitahwe iqoro li morutho d’Suriya, li şaryuthayda uli hdoyutho du cafrayda.

Bebzabno, atre gabe drışlın i aykanoyutho folhoyto dcali arco, beynothaye a tedbire du garanti dmitarkıwo i şalyutho b’İdlıb, bu madınho d’Froth ubu tayımno d’Suriya. Adroşani athın lu hwoyo, bu zabno dıkmaqşiyo Waşington a tedbirayda mqabıl du rejim d’Al Asad dıkmısnıd me Mosko.