Amiee Cutrona mbayno mathlonitho dilonoyto cala sebwotho d’Suriya

İ wazirutho di baroyutho d’Amerika mbayanla Emi Kutrona, mathlonitho dilonoyto dcala sebwotho d’Suriya, ubebzabno mcadronitho du waziro di baroyutho dcala sebwotho d’Suriya, d’Lebnon, d’Yurdnon udı Fleşt du makıthbo du madınho tahtoyo.

 Lfuth u buyono dıfrısla athmıl i wazirutho di baroyutho d’Amerika, Amiee Cutrona flıhwola meqım xıd mdabronitho lu makıthbo da sebwotho d’Suriya, d’Lebnon, d’Yurdnon udı Fleşt mi şato da 2016 uhli şato da 2019, ube bzabno, mbaynowa mcadronitho du rişono di taşdarto Amerikoyto bu athro d’Bahren.

Cutrona bu şuroyo da hayayda bu haqlo deblomasi, flıhwola i şato da na’1999 bi erişkoyto d’Ethyupya Adis Ababa, ubıthır mathe flıhwola xıd mşalonitho folitiqoyto ba rişızgade Amerikoye dkıtne b’Selvador, b’Qatar ubı Mısır.

Camgabıdathe, Amiee Cutrona flıhwola b’Waşington bu makıthbo du madınho tahtoyo, u hıwwo ela wolitho dımcaqbo a’sebwotho du Ciraq, Aljazayer u Tunıs. Ubu zabnawo ste mbaynowa mcadronitho dilonoyto du wakilo di wazirutho di baroyutho dcala sebwotho tibeloye, baynothaye a’fulhone dıkmisomi laşan u şuşoto di athto udu nfoqo mqabıl di tagorutho da bnaynoşo.

Amiee Cutrona qayıthla majıster bu haqlo da n’esore emwothoye udi mdabronutho da qrobe mi bethsawbo Amerikoyto d’Johns Hopkenz b’Waşington.