Amnoro Michael Rakowitz kotoleb mu Bethcatiqotho d’Britania dmadcıro an athare makthabzabnoye li bethcatiqotho d’Boğdod
U amnoro Michael Rakowitz dkıtyo Cıraqoyo-Amerokoyo dıkhoye b’Amerika mawdacle, dkıtyo hadiro dfolıh leşan i bethcatiqotho d’Britania, en dmadcıro an athare makthabzabnoye du Cıraq, li bethcatiqotho d’Boğdod. U amnoro Rakowitz, idico’yo ba rşome uba haykle dıksonıc bu dumyo da athare catiqe di mdinoyutho d’Bethnahrin.
U amnoro professor Cıraqoyo Michael Rakowitz dıkhoye b’Amerika kobıc dobe haye hathe la athare dmahrıwi mu tukoso marhıbono d’Dacış bu Cıraq. Elo i diloyto dkıtle u amnoro, da atharayde kmisomi me medone catiqe dıkmalım mi duktho dkothe u athar mene.
U amnorano meqım zabno, sımwole u tawro gefonoyo d’Lamasu bu wahdo d’Trafalgar b’Britania. Ucdo’ste Rakowitz mawdacle, dkıtyo hadiro dobe sahmo ma rşome uma haykle dsımle li bethcatiqotho d’Brittish Museum-en dqudro i bethcatiqotho dmadcıro an athare makthabzabno di mdinoyutho d’Bethnahrin.
Bi egartho dkthuwle Rakowitz li bethcatiqotho d’Britania mırle; U hulmo wu nişaydi, dqudrina dmadcırina an athare dkıtne bi bethcatiqotho lu Cıraq u dmitahti bi duktho dshifi an athare bi baroyutho dsımwole u tukoso marhıbono d’Dacış ba 2014 bu Cıraq. U tehriwo da atharani, latyo belhude husrono lu Cıraq elo l’britho kula’yo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
