Amnoro mu cameydan nqışle u tawro Lamasu bu glido

Ha ma amnore du camaydan b’New York d’Amerika, nqışle u tawro gefonoyo awkith Lamasu bu glido.

 U amnoro Odişo Giwargis mahwele i sıncayde lu camo dıkhoye b’Bronks Avenyu.

Calu taglo dnahıt adşato b’New York d’Amerika, u amnoro naqoşo da kefe Odişo Giwargis xlıqle hayklo du tawro gefonoyo-dkıtyo ha ma remze du camaydan u Othuroyo. Bıthır mıd kamıl u hayklano dsim mu glido, fris lu camo dıkhoye b’Bronx Avenue.

U amnoro du camaydan Odişo dmahkele cali mıcne dıkromız Lamasu mawdacle, dkıtle plan dsoyım ğer remze marduthoye du camaydan mu glido, leşan dmıgrış u zuhoro cali yortutho catıqto du camaydan u dmafsıh u camo di fnitho.

Ha ma tawre gefonoye rabe du camaydan dıkdocır li şato beyn 883-859 meqım me Mşiho, bi bethcatiqotho d’New York’yo. Giwargis me Suriya’yo ubu athro qrewole cali amnorutho du nqoşo da kefe u ğalabe kmi’athır mi amnorutho catıqto du camaydan, da Mısroye, da İtaloye, da Byzantoye uğer.