18/04/2021

Anathrawotho dkıtne bgawe du qyomo di tahrazto nukleer du İran sıme knuşyo hreno

Anathrawotho dkıtne bıgawe du qyomo dcali tahrazto nukleer du İran, hawilın adyawma knuşyo hreno bi arişkoyto d’Austoria Vienna. Mawdıc da droşani dcama mşale İranoye, towo şafici.

Bebzabno u froshezwo du İran maglele, dım’akade i hiyoyutho du farsufo dsımwole u hçomo dcalu macımlo du nukleer b’Natanz.

 An athrawotho dkıtne bu qyomo nukleer da 2015-awkith Fransa, Britania, Rusya, Sin, u İran u acmaye Almanya, hawilın athmıl knuşyo hreno b’Vienna cali sbutho di tahrazto nukleer du İran. Lu knuşyano’ste mawdıc, dhadır mathlone Amerikoye dmıştawtafe l’droşe lo baroye, bnişo dmiqafe darbo lu dcoro d’Amerika lu qyomano wu İran’ste dımtabıq a şartat dmahti qume.

İ şultonutho catıqto d’Amerika nafiqowa mu qyomano ba 2018 u mahıtwla şişaltho d’tedbire calu İran-dımfanewole bu tewzido du snoco du uranium. Ucdo kubco i şultonutho d’Woşington ducro lu qyomano u calathe kmisım droşo leşan dmıkle cal hayna tedbire kiba Amerika dmaqimo mcalu İran, u Tehran’ste dmıgroşo ma fulhonayda du nukleer.

A mşale Urifoye huwlın maqırhonutho cala droşe haroye dhawın u mawdaclın, dsim şuşoto b’şwole yaqure, elo ucdo klozlım fulhone rwihe u camuqe bi sbuthathe. Kmıftakrina’ste da droşani matın l’maşıqlo, da gabe kulle kibın dmabdın fulhone leşan u tuyobo d’maqırhonutho mşawtafto-bu noquso ba sebwotho dkıtne mıttafqe aclaye. Rusya u Sin’ste m’akade dhawi şuşoto ba droşani wu İran’ste msimono’we u mırle; A droşe d’athmıl towe’wın u lfuth u mede dıkmahwe, kınofıq şıkıl d’qyomo hatho li holo u kulayna kıtlan cayni nişo.

Me gabo hreno, meqım şabtho hawiwo furqoco bi macımlo d’Natanz du İran u bıthır kmo yawme, thimowa İsroyel bu tuyobayde. İsroyel lo m’akadla u loste rfıdla u thomano du İran. mahzamwole mu İran meqım mu hçomano. Ucdo’ste u froshezwo athronoyo du İran frısle i sırto d’Reza Karimi dıkmıthım dımtayable u hçomano cal Natanz-dsim b’zabno meqım dımşarın a droşani d’Vienna.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…