23/06/2020

Apwelıs Turkoye lıtrelın amşale du ferco da sniğre dcıbri lı Ankara

Hanaqla a farsufe dıkmdafci a zedqe du camo, laqın bi qaşyutho da powelıs di şultonutho d’Erdoğan.

 A mşale du ferco da sniğre dımdinotho mşahılfotho du athro, abici dımhalxi l’Ankara u lu qawro d’Ataturk, leşan dmahwın u hfuxyathe mqabıl di lo kinutho dkito b’Turkiya. Elo a mtagliyone laqın bi qaşyutho da pwelıs.

Amşale da ferce da sniğre dkıtne bımdinotho mşahılfe d’Turkiya mıdwolın fusqono dmalxi l’Ankara u bıthır dsaymi socurutho lu qawro d’Ataturk laşan dmahwıın u hfuxyathe mqabıl di şıltonutho u be bzabno mqabıl du fusqono dkıbco maydo i şıltonutho du athro. U fusqonano dıgmşahlıf i aykanoyutho da sniğreyo dı mabdewolın u malxo dmahıtwolın ışme u malxo du sutoro.

Bıthır mıd a sniğre matın lu cboro d’Ankara laqın bi qaşyutho da pwelıs u lo trelın da sniğre dcıbri li erişkoyto d’Turkiya. Bu zabno du tekliyano dothewo matre kmahwe ba hızwone da pwelıs mıstacmelın haylo mqabıl da sniğre dıbritho khışwilin a mdafcone da bnaynoşo bkul mede.

Be bzabno bu zabno da sniğre dkıtweyne lwişe a lbuşe di sniğrutho a pwelıs grışlın a lbuşe da sniğre laşan dlıtorın dcıbri l’Ankara. Bıthır mıd a sniğre fayişi zıtır me yawmo kamilo calu tarco d’Ankara bi mıscoyutho di rişonitho du gabo d’İyi Parti Meral Akşener hiw ale fsoso dcıbri l’Ankara u bıthır ba radoyotho gıdsaymi socurutho lu qabro d’Ataturk.

Bi sbuthathe mahwele ğalabe ftiho ihzayto di şıltonutho d’Turkiya latla iqoro la zedqe noşoye la zedqe di tawdito u la zedqe hrene metul en khıjmo cala mdafcone da zedqe aydarbo kibe dhowela iqoro la zedqe noşoye.