ARBCA’ILO (ARBIL): U izgado d’Hollanda bu Ciraq drısle cam fatıryarxo Mor Awa III Royel i aykanoyutho du camaydan wa casqıwotho dıkloqelın bu Ciraq

ARBCA’ILO (ARBIL) – Qlimo d’Kurdistan bu Ciraq – I qadişutho du fatıryarxo di cito d’Madınho d’Othuroye bu Ciraq ubıbritho Mor Awa Tlithoyo Roel, mıstaqbele yawme d’Arbıco dşaficina bu qentrunayde u fatıryarxoyo dkıtyo bi hiğmonutho d’Arbil, u izgado gawonoyo di mamlaxtho d’Hollanda bu Ciraq Adırian Ayslıstayn. 

Bi ytawtathe driş menyono d’sebwotho dıkmitahwelın yasifutho mşawtafto, baynothaye i şkihutho di cito d’Madınho d’Othuroye b’Hollanda ubu Ciraq wa casqıwotho dıkloqelın u camaydan b’şıkıl gawonoyo bu Ciraq. Bi ytawtathe ste, mşalıt bahro calu dawro dıklozım dmıştacele u kenşo emwothoyo bu snodo da qalilwotho ba fenyotho di şkihuthaththe i makthabzabnoyto. 

Camgabıdathe, Mor Awa wu izgado Hollandoyo i aykanoyutho gawonoyto d’Suriya wa şuhlofe dramatikoye dhawın bu athrano, ukle ste calu sabro dkito dmitahwe mkono la qalilwotho dmıştacın dawro mbaynono ba haye folitiqoye d’Suriya, bnişo dmişarrıro i şalyutho folitiqoyto u kenşoyto b’gawıd du athrano.