Arkeolog mabdelin hfaryotho bi harbotho bi mdito catıqto da Şumiroye d’Tal Fara b’Qadisiya du Ciraq
An arkeolog, mabdelın a fulhonathe bu taymno du Cıraq cala harbotho dımqafın bi mdito catıqto da Şumiroye. A buhonani’ste mabdın mu institut Almanoyo du arkeolog du Madınho Mescoyo.
Bi mdabronutho dr Adelheid Otto, mqafelın a falohe du institut Almanoyo du arkeologi du Madınho Mescoyo, harbotho bi mdito catıqto da Şumiroye d’Tal Fara b’Qadisiya dıknuflo bu taymno du Cıraq. Mawdıc da mbahnone mabdelın fulhone cal duktho dmaglıyowa heş me meqım me farsufe dıkurxiwo cal athare time u makthabzabnoye.
Dr Otto mawdacla, bi qamayto mqafelın a kefe da şurone d’bote dha menaye nafıq li holo, dkıtwe macıbdo. A bınyone hrene’ste dukotho di mdabronutho’wın uğer u hathe kımadilo, di dukthathe mifaşqowa xıd qentrun ulsoyo bu zabnawo. Camani mqafe’ste 224 falqe d’athare, berule, haykle u salme d’farsufe u d’haywotho, remze da tabce d’Bethnarhin uğer alat di ido.
Bıthır mıd kalın a qrobe, a taxtuşe wu cnufyo, bıdelın ucdo an arkeolog naqla hreto ba fulhonathe bu Cıraq. bu yarho d’Konun u haroyo, mqafewolın an arkeolog Urifoye u Cıraqoye athare yaqire b’Larsa b’Dhi Qar.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
