Arkeologe mqafelın qusro da Othuroye bu Iraq

Anarkeolog Almanoye, mqafelın qusro rabo dan abohothaydan an Othuroye.

 Bu zabno da arkeolog mcaqbiwo u husrono dhuwlın a ğrobe marhıbone d’Dacış l’masığdo bi mdito d’Mawsal, mqafelın u qusrano dkıtyo ğalabe towo mhafdo tahte du masığdo da Maşılmone.

Bıthır mıd an arkeolog di bethsawbo d’Heidelberg d’Almanya qayıthlın aftho dsaymi buhone calu masığdo rabo dımfarqacwolın a ğrobe marhıbone d’Dacış ba 2014 bi mdito d’Mawsal, mqafelın qusro makthabzabnoyo dan abohothaydan an Othuroye.

U masığdanoste dkıtyo ğalabe catiqo, macmarwo calu qusrano dıkdocır l’meqım ban alfayo d’eşne u cayıd di mamlaxtho dan Othuroye. An arkeolog ucdo mawdaclın, dmaglelın u cafro dcala tarce du cboro lu qusrano. A tarcani dkıtne macmıre ba kefe u ğalabe celoye, kito aclaye rşimo u tawro gefonoyo.

Tahte du qusrano, mqafe’ste sistem d’tunnele u bhdo ma qeloyotho dkıtyo 55 metrowiye rabtho u cayıd du malko Othuroyo Esarhaddon dcaşwo beyn 680-669 meqım me Mşiho, mqafe luhyotho du tino dkito kthawyotho aclaye u cala athare catiqe u makthabzabnoye.