Asturye mqabıl Turkiya kımdawmi mu Huyodo d’Urifi

A sturye mqabıl d’Turkiya kımdawmi me mşale u rişone danathrawotho d’Urifi, bu zabnano dıksaymo Almanya i rişonutho du Huyodo d’Urifi.

 İ mşawronitho dilonoyto du mşalo da esore baroye du Huyodo d’Urifi-Daniella Schwarzer mawdacla, dıkdurşi i sbutho du tehito da tedbire cal Turkiya.

Bu zabno di rişonutho du Huydo d’Urifi kıtyo cam Almanya, i mşawronitho du mşalo da esore baroye du Huyodo d’Urifi Daniella Schwarzer dkıtyo Almanayto, huwla maqırhonutho bi sbutho di mwatyutho dkito beyn d’Urifi u Turkiya.

Schwarzer bi maqırhonutho dhuwla lu tboco froso du Yawnan mawdacla, du Huyodo d’Urifi kdorış i sbutho du tehito da tedbire cal Turkiya aydarbo, u tahte mın şartat gıdmitahti a tedbirani.

Bi mawdconutho dhuwla Schwarzer mırla; İ sbuthathe di mwatyutho dkito beyn Turkiya wu Yawnan, sbutho casqoyo, u dilonoyith dkito leşono harufo mqabıl d’Turkiya me hın ma athrawotho hadome d’Urifi xıd Fransa u Austoria. En dnofıq qrobo bu qlimo, Turkiya gıdmıstacmılo u haylo dkıtla kule.

Schwarzer bi maqırhonuthayde mırlaste; Dakbar klozım dtorina tarco ftiho, dı qudro Turkiya dımqadmo li tablitho da droşe u bu darbo du dialog uda esore dmışre u qetrano dkito.