Athmil sim hçomo calu camaydan d’Nuhadra bu zabno dımcayadwo i rişe d’şato d’Akitu. Bu hçomano mçarıh tre mu camaydan uha ma hayle di peşmerge

BETH NOHADRA (DOHUK), Ciraq – Bu zabno du cadcido dımtayıb bi mdito d’Nuhadra bu garbyo du Cıraq, farsufo Maşılmono qaşyo dkıtwo bide sator, hçımle calu camaydan dkıtwe bi hfituthathe dsimi bi cohnutho di rişe d’şato umthoyto d’Akitu.

Lfuth u mdabrono di mcadronutho msarhabto di bethkrihe d’Azadi b’Nuhadra Farman Cali bi maqırhonutho dhuwle l’Rudaw, mawdıc dımçrıh bu hçomano athto u gabro mu camaydan uha ma folhe di peşmerge.

Bi maqırhonuthathe mawdıc di athto dımçarho cımra 65 wi aykanoyuthathe bu qento’yo cal daxila dharbo du sator b’rişe. İ aykanoyutho du gabro’ste latyo b’qento. Mabuco di mşaynutho mawdacle du haçomo msik u mabde buqore acme elo heş lo magle calu nişo dkıtwole bu hçomano.