Ba hfaryotho dsimi bi hiğmonutho d’Kerxeslox bu garbyo du Cıraq, mqafe athare dıkducri l’meqım 4000 eşne

A comure di hiğmonutho d’Kerxeslox du Cıraq kudci u ışmo di dukthathe xıd Arab Kompt uba hfaryotho haroye dsimi eba, mqafe 250 falqe d’athare dıkmitıftakır dkıtne 4 alfo eşne catiqe mu zabno beyn di mamlaxtho qamayto u harayto da Bıbloye.

Ba hfaryotho dsimi bi dukthathe dıkmahwe dkıtwo şurone d’bote, dukane, dukotho du tewqido du tino, qabre, luhyotho uğer-awkith i duktho kıdumyo l’şıkıl d’mdito. Bu tebano mawdıc, du Cıraq kıtle hol 25 alfo dukotho catiqotho du arkeoloji u ğalabe menaye mahrıwi ma tenhibe dhawi u dnoşo lo nafıqlın moro.

An athare dımqafın mzabni bu pazar komo uğer’ste mahrıwi-xıd mathlo ma ğrobe marhıbone d’Dacış dabici dquşci i yortutho catıqto da came du athro. Bebzabno ğalabe ma fulhone da hfaryotho dsimi ba dukotho catiqotho’ste maklanwo mcal fothe da qrobe dhawın bu Cıraq uheş ba kmo eşne haroyani, mşarelın an arkeolog a fulhonathe naqla hreto.