B’Avusturya kito tahdit dı hjomo cala citotho
Lfuth i mawdconutho dhule Xuroyo Emanuel Aydin u kohno di cito Suryoyto m’akadle, dkito hawxa tehdid elo a hayle di mşaynutho du athro mıdlın tedbire wa citotho ftihene la slawotho.
VİENNA – Lfuth i mawdconutho dhulın a hayle ğnize da powelıs d’Avusturya, athi tahdid dgıdowe hçome cala citotho du athro; beynothaye a citotho du cameydan uda Eğuftoye. Lfuth u tbocofroso u tahdidano sim me hın hayle tuhmonoye qaşye da Maşilmone yaste d’Dacış.
Bi sbuthathe mıdlan mawdconutho me Xuroyo Dr. Emanuel Aydın dkıtyo u kohno qamoyo bu athro ubi mawdconuthayde l’Suroyo TV, mırle; “Ahna a citotheydan kull naqla tahte d’gzomo cayişi bu athro dan abohotho. Ucdo u tahdidano latyo belhude la citotheydan a Orthoduksoyotho elo la citotho hreneste.”
Ba melani mdawamle Xuroyo Emanuel, “Elo a hayle di mşaynutho mıdlın tedbire cala citotho kulle wa citotheydan ftihene la slawotho ula Qurobe. Ahna i Mşihoyutheydan kull naqla a tarceyda ftihene wa noquşe kıdayqi lu şlomo ulo, lu qrobo ulu qatlo.”
İ sbuthathe kmıdroşo bu tbocofroso d’Avusturya, wu droşano ulsoyoyo metul du tahdid latyo belhude kthawto aw mamro dha frasufo, elo ma hayle da istixbarat da powelısne, mawxa sbutho ulsoytoyo cal da haylaani dlowın m’akde cal sbutho, lıkfırsi hawxa mede.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
