Benny Gants mıdle imşalutho dımşatıs şıltonutho hathto

U athro d’İsroyel hani zabno yarixo dloqadır dmarkıw şultonutho, ucdo hiw wolitho lu rişono du gabo Zarqo Heworo Benny Gants dımşatıs şultonutho.

 Lfuth i mawdconutho dhiwo, Gants mşarele ba esore cama gabe du athro leşan dımarkıw i şultonutho, lfuth i wolitho dı qayıthle mu rişqutno Reuven Rivlin.

Bıthır mıd u rişwazire dmeqım Benyamne Natanyahu lıqadır dımşatıs şıltonutho hathto bıthır ma ğuboye du gabeyde nafıqwo zakoyo mane, hiwo i wolitho lu rişono du İtifaq zarqo u heworo Benny Gants. Bıthır mıd hiwo i wolitho l’Gants bi qamayto mabdele zawco dımşahlıf u rişono du mawtbo Kneset dkıtwe mu gabo d’Likud Yuli Yoel Edelstein u dmahıt  ha farsufo mu gabeyde b’dukthe.

Me gabo hreno kmitawdıc du gabo İsroyel u bayteydan mqadamle rmoyto dmitawfıq fusqono dıgmakle qoyumo dıftih bethdino bhaq dide dımşatıs şıltonutho, u hathe ksoxro u tarco qumıd Natanyahu dımşatıs şıltonutho en dmitaqbılo i rmoytathe.

Me gabo hreno u rişono du itifaq zarqo heworo Benny Gnats mşarele dsoyım esore u dıdorış cama gabe dkıtne bu mawtbo camoyo Kneset d’İsroyel laşan dımşatıs i şıltonutho du athro dhawile zabno yarixo layto şıltonutho. İnaqla d’Gantsste dlıqodır mşatıs i şıltonutho,  inaqayo İsroyel gıdıza la guboye inaqa da arbac bıthır mıd lı qadiro mşatso şıltonutho.