BETH ZALIN: Qtil farsufo Arminoyo mu Sutoro du rejim d’Suriya
Farsufo mu camo Armınoyo qtil ba buğre dmarıs acle ma haylawotho du Sutoro du rejim d’Suriya. Lfuth Hawar News, u farsufano dkıtwe sarxoş awkith şatoyo qtil, cal dkıtwo acme foquctho di ido, ukobacwo dımhalaqwola cal ha ma bote di şawtho Suryoyto di Wusta bi mditho d’Beth Zalin.
BETH ZALIN (QAMI ŞLI), Suriya – Athmıl blalyo, qtil barmothoyo Armınoyo bu buğro dmarıs acle ma haylawotho du Sutoro dkıtne masre camu rejim d’Suriya bi mditho d’Beth Zalin. Lfuth u ajans da tebe d’Hawar News, u farsufo Armınoyo dışme Melkon Nader qtil qariwo mi nuqazto du Sutoro du rejim dkıtyo qaruto mu park mi gantho d’Alkindi bi şawtho Suryoyto di Wusta b’Zalin.
U ajans d’Hawar News mawdacle ste d’Melkon, athmıl bi şuctho da 12 d’falgıdlalyo marıs acle buğro mu zayno da haylawotho du Sutoro du rejim, bu zabno dkımnasewo dımhalaqwo foquctho di ido cal ha ma bote di şawtho di Wusta. Melkon Nader dkıtwe sarxoş awkith şatoyo baroyo qtil.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
