BETH ZALIN: U frosqolo d’Suroyo FM hawile tloth işne dıfroso bi Gozarto
Adyawma u yawmo şatonoyo du futoho du frosqolo d’Suroyo FM yo. U frosqolano dıkmıçğıl ba tre leşone Suryoyo u Caraboyo, u frosqolo Suryoyo qamoyoyo dıkmişatıs bu garbiyo u madınho d’Suriya.
BETH ZALIN (Qamışli), Suriya – Tre bu yarho d’Şbot bi şato da 2020, sim u futoho du frosqolo Suryoyo dkıtyo u qamoyo ba fenyotho du garbiyo udu madınho d’Suriya.
Suroyo FM dıkforıs tahrazyotho bu leşono Suryoyo u Caraboyo, mhalaqle b’zabno karyo dawsat makışrone bıthır mıdmıdle duktho rabtho b’gawıd du kenşo Suryoyo di Gozarto.
Suroyo FM dkıtyo u qentrunayde bi mditho d’Beth Zalin (Qamışli), kmahke cali hiyoyutho, cali mardutho ucalu leşono du camo Suryoyo, ukıtle u nişo dnoqıl lıbritho u qolo du camaydan a’qetrayde wa ğame dkıtle. Ubu şıklano hawi geşro dıkmasır bayn du camaydan d’Suriya udıkhoye bi golutho.
Suroyo FM kforıs tahrazyotho folitiqoye, marduthoye, yulfonoye, tawdithoye u hulmonoye. Ucamgabıdathe ste kforıs tahrazyotho cali aykanoyutho da neşe wu tenhiraththe laşan dhowın b’şawyutho hdo camu gabro.
U froso d’Suroyo FM kımkase wahdo rabo dkımşare mi mditho dı Derik, udıkşofıc li mditho d’Qamışli, udıkmote hul Tel Tamır uli mditho di Hasake.
Bi cohnutho du yawmo şatonoyo tlithoyo d’Suroyo FM, i dafo da tebe d’SyriacPress kımqadmo tahanyotho hamime la falohe du frosqolo kulle, uktılbolın kaşirutho bu haqlo di mşablonutho du camaydan u Suryoyo, bnişo dımdawım dfoyış bu athro da n’abohotho.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
