22/11/2023

BETHDİNO 200 HADOME MAFFİA İTALYA

B’bethdino makthabzabnoyo dsim bi marcitho d’Kalabria b’İtalya, hkim 207 hadome di maffia d’Ndranghetan. U tukosano dkıtyo ha ma rabe dbritho, mınyono ma mşalayde hkimi l’30 eşne hbuşyo ma hawbe da gelone mtanwone, da qatle, du fassad uğer.

 

A hadome wa mşale camhıdode, hkimi gawonoyith l’2.200 eşne hbuşyo. İ dacwathe dıkmdawmo hani 3 eşne, sim buqore cam 300 farsufe di maffiathe-dkito beynothaye mşale u folitiqore b’darğo celoyo.

 

Beyn dani dhkimi kito’ste qoyumo du gabo d’Forza İtalya dkıtyo du rişwazire catiqo du athro Silvio Berlusconi dhkim l’11 eşne hbuşyo. U tukosano hokamwo u kenşo İtalyo kule u kıtwole sawco ba şutose du athro kulle.