02/05/2021

Bi cohnutho du cedo di Qyamto d’Moran Yeşuc Mşiho ESU frısle buyono

Bi cohnutho du cedo di Qyamto d’Moran Yeşuc Mşiho, u Huyodo Suroyo d’Urifi-ESU, frısle buyono u mcayadle u camaydan wa Mşihoye dbritho kulle.

Bu buyonayde ESU kali cali mıcne du cedano wi ulsoyutho dkıtle u cala tedbire dıklozım dmimodi mqabıl du virus di Corona.

U Huyodo Suroyo d’Urifi-ESU frısle adyawma buyono bu cedo di Qyamto d’Mşiho u mawdacle; bıthır mu cedo da Qatholiqoye b’athrawotho frişe dbritho, adyawma a Mşihoye Orthodoksoye b’britho wu camaydan u Suryoyo’ste, kmıstaqbıl i qyamto d’Yeşuc Mşiho bu athrayde ubi golutho lfuth a tedbire di Corona.

ESU mırle; İ qyamto d’Yeşuc Mşiho mu qabro, remzo du sabro, da haye hathe, di fsihutho’yo u dkıtyo zabno du dumoro la Mşihoye dbritho kulle dıkmcaydi u yawmano b’zawhe marduthoye. U camo Suryoyo dımbarbız b’britho u dıkcoyış beyn came u mardwotho frişe, kımdawım a cadatayde bu yawmano du cedo di Qyamto.

ESU komır; Lfuth a tedbire dkito mqabıl d’Covid-19, a cyode kmisomi ucdo bıgawe di iqartho udu ahıl. Hani zıttır me şato, mahti a tedbirani leşan u snodo du camo uda şutose du hulmono. Calathe u cedano’ste, zabno du ftakar udi mcadronutho’yo.

Bu huthomo ESU mırle; Bi cohnutho du yawmano du cedo di Qyamto, kıtulbina yawmo mbarxo, şlomo u hulmono tobo  u cedo basimo lu camo Suryoyo ula Mşihoye dbritho kulle u kıtlan sabro du yawmano, dmamte şlomo li noşutho kula u dactith towo u bahro.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…