Bi qritho d’Bsorino sim u futoho da bethsocure dmahıt ışme bethsabro

A comure di qritho d’Bsorino bi fnitho d’Turcabdin d’Turkiya mahwelın i fsihuthaththe cal dsımlın u futoho da bethsocure dmahıt ışme bethsabro.

Lu futohano dsim bi rişonutho du hasyo d’Turcabdin Mor Timathewos Şmuel Aktaş mıştawtlın comure ma qıryawotho da suryoye d’Turcabdin u mi golutho cama tre farsufe dkıtne a sanode di dukthathe momunoyith.

Bi mawdconutho dmıdlan mu mgabyo di qritho dı Bsorino Şamcun Guzel  mahkele du futoho du bethsocurutho d’Bethsabro fayıt bı fsihutho u b’basimutho dilonoyith dhadır farsufe ğalabe ma qıryawotho du cameydan d’Turcabdin cam hın ma köhne da qıryawotho.

Bu futohnao dsim athmıl falge d’yawmo hadirowo u zawgo dmıdle a zuze du tecmiro kulle me Şutose d’Almanya Yahkub Aslan  Bethqaşo Gabriel cami Barthzawgeyde Suat Aslan dıkhoyın b’Almanya.

Lu futohano hadiriwo comure di qritho d’bsorino dıkhoyın aba athrawotho di Golutho. U bethsabrano gıdhowe ftiho lu camo Suryoyo kule dıksoyım socurutho l’Turcabdin u dilonoyith a sobe dlı kıbci fayşoi ba hutele dkıtne rahuqe u lo şawye la sobe.

U bethsabrano kibe qeloyotho lı tre farsufe dkito bgawaye bethshoyo u froshızwo u macımdono dkıtne i sniqutho la farsufe dıkfayşi harke u be bzabno kito duktho du bethbuşolo mşawtafto la farsufe kule dıkfayşi bu bınyonano.

U mgabyo di Qrithomırle kımqadamno tawdiyotho lli iqartho d’be qaşo gabriel dhawon sanode u macmarlın u bınyonano u be bzabno kımqadamno tawdiyotho la comure d’Turcabdin dhadiri acmeydan bu futohona dkıtwe mafıshono lu camo Suryoyo kule.