Bi sbutho di iqartho dbe Diril msik 3 farsufe dıkmithomi bu htofathe

Bi sbutho di iqartho dbe Diril dıhtifowa bi qritho d’Mahre bi fnitho d’Şırnax msik 3 farsufe dıkmithomi bu htofo d’Şmuni u Hırmıs Diril.

Lfuth i mawdconutho dmıdlan mi iqartho dbe Diril, bıthır mu msokano da tlotho farsufe, kıtte sabro rabo dothelın tebe cala haye du babathe

Bi mawdconutho dmıdlan mu kohno di citeadan i Kaldoyto Ramzi Diril dkıtyo u abro da htife-i mnohto Şmuni u Hırmıs Diril makadle, dımsik 3 farsufe dıkmithomi bu htofo ubu qatlo di emathe.

Bebzabno bi mawdconutho dmıdlan mi bartho di iqartho Gulcan Diril mawdacla du msokano athi lu hwoyo bıthır mıd mati ithbate qawye l’idothe da powelıs, dfayiti li harake u msıklın a 3 farsufani. Elo ahna kıtlan sabro dgıdowe msoke hrene bi sbuthathe.

Lfuth i mawdconutho dmıdlan, ha ma msikoye u farsufo dhoye’wo bi qritho d’Mahre dkıtyo abro Diril dkıtyo qariwo li iqartho d’Hırmız udi mnohto Şmuni Diril. Bi mawdconutho dmıdlan mi Gulcan mırla; U msokano ışmo’ste dhowe hulelan sabro da farsufani dqudri dmahkın babayna hayko’yo.

Bi sbutho du htofo di iqarathathe  kull naqla kıtwo ntarto mi iqartho, da mşale du qlimo lo sımlın i wolithathe ulo mcaqablın i sbuthathe.