12/09/2021

Bıne u wahdo di esfirreğlo laşan i claymutho bi qritho d’Bsorino

İqritho d’Bsorino b’Turabdin ksaymo şuşote leşan a comure di qritho da cımre kulle, li claymutho ula sobe.

Bu zabnano i qritho mkamela u bınyono d’bethsocure u bebzabno mkamela u bnoyo du wahdo du esfirreğlo leşan i claymutho.

İ qritho d’Bsorino hdo ma qıryawotho dfayıs u camo Suryoyo ebayo u bebzabno kımaşyo fulhone bnişo dhuwyo i qritho b’darğo dqudri a Suryoye di golutho’ste d’ducrila. Bi mawdconutho dmıdlan mu mgabyo di qritho Şamcın Guzel mahkelelan, d’hdo yaqrotho di qritho dıkcayşo b’Almanya huwla zuze, leşan dmitacmır beth socure bi qritho.

Guzel mırle; İ iqartho d’Yahkub Aslan u abro d’qaşo Gawriye Aslan cami barthzawgeyde doktora Sucad mqadamlın zuze u ahna di qritho’ste macmarlan u bınyonano dmahıtlan ışme Bethsabro. U bınyonano da socure macmır b’mesaha d’1300 metrowiye mrabce u tre mıdyore/qatatyo u kito ebe 10 qeloyotho.

Kull qelayto kıtla bethshutho u zıttır mathe kito 2 qeloyotho di mdabronutho u be bzabno kito bethbuşolo mşawtfo la qeloyotho kulle. U mgbayo Şamcun Guzel mırle; U bınyono qum kmolo’yo d’Aloho Sobe 17 bu yarho dothe gıdsaymina u futoheyde. Bebzabno kımqadmina tawdiyotho lu Yahkub u li Doktora Sucad dhawın mcawnone bu bınyonano.

Me gabo hreno, sim wahdo di esfirreğlo bi qritho d’Bsorino calu darbo du mşawrono di wazirutho di claymutho udu Spor Metin Ayvazoğlu, dkıtwole esore towe cami qritho d’Bsorino. U wahdano di esfirrreğlo’ste sim wahdo cam gelo u hedore mastro b’şuro da telat.

U mgabo di qritho mırle; Fsihoyena dı qadırina d’saymina a fulhonani bi mcadronutho dıkmisomo li qritho. İ qritathe d’Bsorino ste mahwela mathlo tawo dkowe eba şuşote wa socure dsaymi socurutho ela lıgfayşi b’dukotho nuxroye.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…