Britania masırla naqla hreto esore diplomatiqoye hathe cam Suriya

DARAMSUQ — U waziro di baroyutho d’Britania David Lammy mıstaqbıl athmıl mu rişono d’Suriya Ahmad al Şarıc b’Darımsuq. Bıthır ma droşe dhawi beynothaye, Lammy mawdacle lu tbocofroso, dımabdelın me hatho a esorathe a diplomatiqoye cam Suriya. Bıthır mıd Amerika u Huyodo d’Urifi, Briania’ste meqımwola bu yarho d’Nison, hın ma tedbire dmahıtwola cal Suriya.

Britania ha man athrawotho qamoye dsındwole ruşmoyith ba 2011 a ğrobe di saqıbloyutho bıthır mıd u rejim catiqo d’al Asad hçımwole b’qaşyutho u camo dnafıqwo la tagliyotho leşan u terkiwo di demoqratoyutho b’Suriya, udu cnufyano macbarwole bıthır u athro l’qrobo gawoyo.

Bu mamlo dsımle u waziro Britanoyo mırle’ste;. U camo d’Suriya hawile sabro hatho ulu yuthronaydan’yo, di şultonutho hathto d’Darımsuq, dsaymo i wolithayda, dımtabqo a şudoyayda wu dbınyo athro cal arcutho di mşaynutho udu şuşoto du dactith d’Suriya. Ulsoyo’yo dhowe mathlonutho folitiqoyto mşakalto ma came frişe du athro kulle bi şultonutho u dmınfıq moro la camayda kulle. Athro dkıtyo rakiwo, kımanqıs u qento di golutho, da gzome di marhıbonutho wa zayne kimyawi kulle’ste klozım dmitahrıwi.

İ socuruthathe d’Lammy l’Suriya, hawyo i qamayto dıkmisomo me waziro bıthır 14 eşne u acme’ste, mbayın 94.5 milyone pound xıd mcadronutho noşoyto, lu snodo lu bnoyo udu hethotho du athro ubebzabno, snodo lan athrawotho dsımlın baytoyutho la galwoye d’Suriya’yo. U waziro Britanoyo bıthır me Suriya, şafıc lu Kuwait leşan dmıkle calu şuşoto da esore dbeyn da 2 athrawotho ucali aykanoyutho di mşaynutho du qlimo.

After over a decade of war and oppression, the Syrian people have hope again.

Syria matters to the UK. A stable Syria reduces the risk of illegal migration and terrorist threats to our national security. pic.twitter.com/YnUfTLiMBo

— David Lammy (@DavidLammy) July 6, 2025