B’Turkiya kmitahwe husrono rabo la citotho da mşihoye

Cito hreto catıqto dan Armınoye b’Turkiya, hzela husrono rabo ma Turkoye dıkmaşın fulhone lo qonunoye, leşan dımqafın athare catiqe bi citathe.

 Elo bıthır mıd hın Turkoye mbaşelın basro bi citathe dkıtyo bi qritho d’Germuş b’Urhoy, mahwe hfuxyo qaşyo ma comure u tlib me Ankara, dımhathıtho i citathe.

A citotho catiqotho du camaydan u dan Armınoye, heş khozın husrono rabo b’Turkiya cal di şultonutho lıkhuzyo timoyutho u sniqutho dımihafıd aclaye.

Hıdo ma citotho catiqotho dan Armınoye dkıtyo bi qritho d’Germush b’Urhoy, hıdo mani dfayişo dılo moreyo.

İ cito Asdvad-zadzin-i cito d’Yuldath Aloho bınyowa bu dowro da 19 wi naqla harayto dımhathıthowaste ban 1881’we. İ citathe ucdo hariwo mi celtho da hfore lo qonunoye dsimi eba me farsufe dıkurxi cal athare leşan u zebono. A comure di qritho d’Germush mawdaclın da hforaniste kowın kul naqla ba şoce du lalyo, leşan noşo dılo hozelın.

U tebo dıfris athmıl bu tboco froso kenşoyo grışle u zuhoro calu husronano u calu lo iqoro dıkmitahwe la timoyotho tawdithoye da Mşihoye. Mawdıc dhın turkoye mbaşelın basro u ştelın alkohol bi citathe d’Yuldath Aloho, wa comure di qritho mahwelın hfuxyo u tlıblın ma mşale du qlimo, dımhathıthi u bınyonano u maktabzabnoyo.