Bu funoyo dacır l’ESU makıd d’Austoria kımtahqıbo i sbutho du dayroyo Seffer Aho Bileçen

İ mathlonitho du Huyodo Suroyo d’Urifi-ESU b’Austoria Leyla Bahdi, mşadarwola egrotho la gabe frişe dkıtne bi şultonutho du athro, cali sbutho du dayroyo Seffer Aho Bileçen.

Ba egrothani tlıbwola Bahdi ma mşale d’Austoria, dımçazın Turkiya calu dyoşayda dcala zedqe da qalilotho. Bu funoyo dacır l’ESU m’akıd, d’Austoria kımtahqıbo i sbuthathe du dayroyo.

Leyla Bahdi dkıtyo mathlonitho d’ESU b’Vienna d’Austoria, mşadarwola meqım zabno egrotho l’gabe frişe dkıtne bi şultonutho du athro cali sbutho du dayroyo di cito Suryoyto Orthodoksoyto Sefer Aho Bileçen dıkmıthım bu snodo di PKK u dkito qento dmiçaze yaquro b’Turkiya.

Bi egarthatheste tlıbwola ESU d’Turkiya dmiçazyo calu qedomayda la qalilotho du athro. Elo u waziro di baroyutho d’Austoria tlıble me ESU, dımşadır i egartho lu mşalo d’Austoria dkıtyo bu parlamento d’Urifi. Wu ucdo dacırle ESU funoyo u kmitamır; Dkıtte hani zabno yarixo haj mi dacwathe wi rişizgaduthathe b’Ankara, kımcaqbo i aykanoyutho tawdithoyto da qalilotho b’Turkiya. Bhın sebwotho’ste, kıtla i rişizgadutho esore baroye cama mathlone da farsufani.

İ rişizgadutho mawdacla’ste kımahto u zuhorayda cali aykanoyutho kenşoyto-dilonoyith d’hadome da qalilotho tawdithoye ubu tarano kmisım qroyto li şultonutho d’Ankara dımhalxo lfuth a qonune Emwothoye. İ sbutho da qalilotho tawdithoye u dilonoyith da Mşihoye, hdo ma sebwotho dkıtne bi tahrazto di şultonutho d’Austoria’ne ucalathe kmitahıt şartat qum d’Turkiya dımhalxo lfuth a prensibe u zedqe asasi di demoqratoyutho.