Bu furqoco dhawi b’Beyrut u makthbo d’USUP hzele husrono

Bu furqoco rabo dhawi athmıl b’Lebnon, u qentrun du gabo du Huyodo Suryoyo Tibeloyo dkıtyo b’Saydelbuşriye, hzele husrono rabo.

 Bu furqoco rabo dhawi athmıl b’Beyrut u dmahrawale ban alfayo dbote, dukotho u hın citotho, u qentrun du gabo du Huyodo Suryoyo Tibeloyo’ste hzele husrono momunoyo. Elo tawdi l’moryo, da hawrone dkıtwın ebe bu zabno du furqoco lo hzelın husrono.

Bi mawdconutho dmıdlan ma hadome d’USUP, bu zabno dkıtwe u rişono du gabo Brahim Murad wa hadome hrene bu qentrun nsifi me dukthaye u hşıwlın dhawi zazale elo bebzabno şamici u qolo du furqoco dkıtwe kımo kilometre rahuqo menaye.

Lfuth a hezwone dıfrisi, a bote msawın cami arco wu ğer a şabokathe twiri u falqe ma bote nafili bi netije du furqocano, dheş layto mawdconutho kamılto acle.