Bu gedşo dmafıtla sfitho b’Niger mvayıc 150 farsufe bu nahro

Hol 150 farsufe mvayci bu nahro d’Niger, bıthır mu gedşo dmafıtla i sfitathe.

 Bi sfitathe dkıtwa azılto me Niger lu athro d’Nigeria, kıtwo 200 farsufe; beynothaye mınyono celoyo d’neşe u tloye.

Lfuth u ajans da tebe d’Reuters, hol 156 farsufe mvayci athmıl bu garbay macırbo d’Nigeria, bıthır i sfitathe twiro bu falgo bu nahro d’Niger u ğayiro. Beyn da 200 farsufe dkıtwo bi sfitathe’ste, mınyono celoyo menaye neşe u tloye’wın.

I sfitathe dkıtwa bu nahro d’Niger u azılto’wa lu athro şbobo Nigeria u mawdıc dkıtwo’ste bıgawa kmoyutho rabtho d’cafro dımşadarwo me mcartho du dahwo. Mawxa’ste kmisım taxmin, du cafrano hawi celtho dmıtworo i sfito.

Ha man 40 farsufe dmaxlasle mu gedşano mawdacle, da falohe di mcadronutho msarhabto heş kıkurxi cala rawoxe hrene. Wu holucdo’ste mqafe belhude 5 şlade. Calathe ucdo heş latyo m’akdo u mınyono da mithe du gedşano. Hano kmifaşıq u gedşo qaşyo dhawi holucdo bu qlimano. İ sagiyoyutho da sfinothani’ste simene mu qayso u kibın belhude dtucni 80 farsufe.