Bu hçomo dhawi b’Georgia qtil 8 farsufe

Bu hçomo dsim bu zayno cal tlotho salone du hulmono b’Georgia d’Amerika, qtil tmınyo farsufe u mçarıh 3 hrene.

 U hayobo Robert Aaron Long dkıtyo cımre 21 eşne, msik ma thome da hçomani dıkmifaşqi tuhmonoye.

U thimoyo Robert Aaron Long msik athmıl mu polis bıthır ma hçome dsimi cal 3 nuqazyotho du massage udu Spa b’Georgia dkıtyo b’Atlanta d’Amerika. Bu hçomo qamoyo, qtil 4 farsufe u hreno mçarhi b’Cherokee-County dkıtyo bu garbyo d’Atlanta.

Bıthır şoctho qtil 4 neşe b’2 salone dkıtwın 2 milat mi duktho du hçomo qamayo. Bıthır ba cuqobe dsımle u polis, msıkle u thimoyo dkıtyo 21 eşne. İ celtho da hçomani heş latyo idıcto, elo u rişono da powelıs mawdacle d’6 ma qtiloye, mu şerşoyo me Asia’wın u dkito ihtimal rabo-dhçome tuhmonoye’wın.

U polis maqwele u duyoqo da dukotho du hulmono u mşalo di mdito, mhanele i harake xayıfto dsımle u polis u dqadır dmosık u thimoyo b’zabno karyo. La buhonani’ste, macbıri ucdo a istixbarat d’FBİ leşan dmidoco i celtho da hçomani. Mawdıc mi şato da 2020 uholucdo, mqadım 3.800 tahdide tuhmonoye la bnaymothoye d’Asia-dkıtyo i sagiyoyuthathe Sinoye.