Bu İran b’Azerbaijan kito mınyono d’citotho catiqe du cameydan

B’Urmi du İran u bu macırbo d’Azerbaijan, kito mınyono d’citotho catiqotho du camaydan di cito d’Madınho d’Othuroye.

 Ucdo mawdıc dmid fusqono, dmihathıthi a citotho catiqotho dkıtne ba 2 athrawothani.

Lfuth i dafo di wazirutho du turizm du İran, mid fusqono dmisım u hethotho d’mınyono d’citotho catiqotho d’Yuldath Aloho u d’Mor Fetrus dkıtne bi qritho bu madınho d’Urmi. Mawdıc di cito d’Mor Fetrus, bınyowa bu doro da 8 wi cito d’Yuldath Aloho dkıtyo bi qritho d’Şamaki, kmifaşqi hın ma citotho catiqotho di cito d’Madınho d’Othuroye bu İran.

İ citatheste ba 2001 mahtowa bi lohitho di yortutho Athronoyto du İran. Bi qrithathe d’Şamaki, kıcoyış hol 600 man abne du camaydan d’Madınho d’Othuroye. Camaniste kito i cito d’Yuldath Aloho dkıtyo b’Naxjavan Tappeh dıknuflo 22 kilometre mu garbay madınho d’Urmi

İ citathe du camaydan u Othuroyo bınyowa bu doro da 17, u kmitıstacmılo ucdo man Armınoye dıkhoyın bi qritho. Me gabo hreno bu macırbo d’Azerbaijan, kito citotho u dayre catiqe. U qlimanoste, kbışwo me Skandar u rabo bu doro dan 4 meqım me Mşiho u kmibıc ucdo dmihathıthi a bınyonani.