Bu konferans dı 8 Odor d’Bruksel hawi awyutho dı cwodo d’camhdode bayn da şutose dkıtwın hadire
Bıthır mu konferans fris u buyono du huthomo di awyutho leşan du fulhono da neşe dımdelın acle şutose frişe.
BRUKSEL – A şutose dkıtwın hadire bu konferans dımtayıb mu İnstitut d’Bethnahrin dı Bruksel cami Cito Kaldoyto d’Mor Aday, u d’matın l’awyutho dı cwodo dcam hdode ahanine: İnstitut d’Bethnahrin bı Bruksel, Huyodo Suroyo d’Urifi ESU, Huyodo da Neşe d’Bethnahrin HNB, Cito Kaldoyto d’Mor Aday bı Bruksel. Wa şutosani frıslın u buyono da fulhone dıksaymi cam hdode bu zabno dactith.
- Dmitayıb konferans bi ohnutho d’8 Odor laşan dmiqadmi a talabe kenşoye u demoqaratiqoye di athto Suryoyto-Othuroyto-Kaldoyto-Oromoyto la şutose baynothemwothoye dkıtte asirutho bi sbuthathe.
- Mqabıl da hbose dıkcayşi a Neşe bı Bethnahrin u bi golutho dmisım hfitwotho.
- Dmitıştawtıf la hfitwotho dıgmisomi b’25/11 bi ohnutho du yawmo d’Emwotho du kroho du cnufyo dımqabıl di athto.
- Laşan dmitakle u dmıkrıh u hboso wu cnufyo dıkmisım mqabıl di athto, dmisım fulhone mşawtıfe cama şutose baynothemwothoye da Neşe.
- Dmisım lqoyotho cama komisyone du Parlamento d’Urifi cala şuwole umthoye, kenşoye u marduthoye dıkcayşi a Neşe du camo Suryoyo-Othuroyo-Kaldoyo-Oromoyo.
- Dmişatıs gurube di awyutho u dmısnodi a şutose da Neşe dkıtne bu athro.
- A şutose dkıtwın hadire bu konferansano mdelın calu buyonano leşan dsaymi a fulhonani cam hdode bu zabno dothe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
