Bu şyoro du talgo bi mditho d’Van b’Turkiya 39 farsufe mwayace ahayathe

U mınyono da farsufe dımvayaclın a hayathe bıthır mıd şayır u talgo aclaye bu madınho d’Turkiya, kımdawım dcole.

 Mawdıc b’tre gunhe du şyoro du talgo dhawi bu qlimo du Van, mvayaclın 39 farsufe a hayathe.

Bu gunho qamoyo, şayır u talgo mu turo qariwo l’açesaray dkıtyo bu qlimo du Van-dkıtyo qariwo la thume du İran. Bu gunhano, tmir 5 farsufe u mvayaclın a hayathe. Calathe mşadır 300 falohe di mcadronutho msarhabto li duktho leşan dımcadri u camo.

Elo bu zabno dmatın a falohe li duktho, şayır u talgo naqla hreto mu turo u tmırle a falohe. Calathe u mınyono da mithe’ste frişo me dafo l’dafo hreto elo kmitawdıc dkito bu noquso 39 mithe; beynothaye 33 falohe di mcadronutho msarhabto; beynothaye qaloce du ambulans, falohe di tıffayo, folhe uğer.

Ba gunhani dımçarıh’ste 50 farsufe, kmitawdıc dkito qento du mınyono da mithe dımdawım dcole. Leşan Turkiya, gunho rabo’yo u kminase dmişadır heş falohe li duktho du gunho, elo a darbone casqe’ne. İ wazirutho di gawoyutho mawdacla, dmaxlıs 30 farsufe elo heş kito hol 15 hrene tahte du talgano.

Me gabo hreno, tayosto di şırke d’Pegasus mafıtla athmıl gedşo bu bethtawso d’Stanbul d’Turkiya. Bu gedşano dı şayiro i tayosto mu darbo bu bethtawso u twiro l’3 falqe, mvayaclın 3 farsufe a hayathe u 157 mçarhi. Bi tayostathe kıtwo 183 farsufe.