Bu tebo dıfris bi dafo Almanoyto cala hsaye htife mahke calu froshezwo d’Suroyo TV

U Mawtbo du camo Suryoyo frısle tebo bi sbutho da hsayo du camaydan Mor Ğriğoriyos Yuhanun Abrohom u Mor Bulus al Yazıji dıhtifiwo bi şato da 2013.

 Bu tebano dıfris bıthır bi dafo Almanoyto, mahke calu froshezwo d’Suroyo TV ucala buhone dsımle u Mawtbo du camo Suryoyo bi sbuthathe da tıre hsayo.

 Bi mawduconutho dhulın a mşale du Mawtbo du Camo Suryoyo mırlın; Lfuth a buhone dsımlın, a warqe wu qolo msajlo dmati lidothaye, u darbo du htofo da 2 hsayo du camaydan kımote li xasra d’Turkiya.

Bi mawduconutho dmalımlın, kımahwe du marhıbono d’Dacış Abu Banat dmamte naqlat hrene ışme li holo, mşalowe cali sbutho du htofo da hsayo-bi mcadronutho d’Turkiya. Bu tebo dıfrısla i sfaryawmo d’Gefangenen info-awkith i mawduconutho da hbişoye, mahkela calu froshezwo d’Suroyo TV dıfrısle tebe calu Mawtbo du Camo Suryoyo.

Bi mawduconutho dmıdlan ma mşale du Mawtbano kımahkın, dhani zabno yarixo kıtlın buhone u dmaltamlın mawduconwotho u mamle dhın menaye dkıtne da istixbarat d’Turkiya, dıkmawbıli u darbo du htofo da 2 hsayo la mşale Turkoye. Bi sbuthathe du htofo da hsayo dfayıt hani 7 eşne calu htofathe latyo lo tebo u loste idactho cala hayathe.