Buhjomo dsımle u tukoso d’Boko Haram qtile 110 farsufe

Emwotho Mhaydotho mawdacla, bu hjomo dsim bu tukoso marhıbono d’Boko Haram qtile zıd me 110 akore bi marcitho d’Borno du athro d’Nijerya.

 Bu hjomo barbıroyo dsımle Boko Haram mjarıhste mınyono celoyo d’farsufe.

U mdabrono di mcadronutho noşoyto d’Nijerya b’Emwotho Mhaydotho Edward Kallon bi maqırhonutho dhule lu tboco froso mawdacle, bu hjomo dsımle athmıl Boko Haram bi qritho d’Garin Kwashebe hjımlın cala falohe dıkcudi banarcotho di rezo. Mawdıc zıd me 110 farsufe qtili bu hjomo barbıroyo dsim, mınyono celoyo mjarhi u hfit mınyono celoyo dneşeste.

Kallon bcayni zabno sımle qroyto li şultonutho d’Nijerya dfayto li harake leşan dımqafın a neşe dı htifi u dmıski a hayobe.

U rişono d’Nijerya Muhammed Buhari dıkrıhe u hjomano mırle “ba qatlani dlate mıcne u athro kule mjarıh”

 Me gabo hreno u tboco froso du athro sımwole iddica dı 44 farsufe qtili. B’Nijerya mu şuroyo da ışne da 2000’wat hollocdo u tukoso marhıbono dı Dacış Boko Haram ba hjome kenşoye du cnufyo dsımle zıd m 20 alfo farsufe qtili.

U tukoso marhıbonano ma 2015 hol locdo ksoyım hjome ba athrawotho d’Kamerun, Çad, Nijer u Nijerya.