FOLITIQOYO

U qoyumo şaryo du cameydan bu parlemento d’Turkiya Tuma Çelik, frısle maqırhonutho bu yawmo şatonoyo du yawmo tibeloyo du şlomo. Bi maqırhonutho dfrısle Çelik komır; Şlomo imacneyde kmitaqimi a yawme catume, ha dsoyım i musaba du maktbzabnoyo, u dmimodi a zedqe noşoye tahte du duyoqoyo, u şlomo i macneyde dımşatsina…

Bi mıştawtfonutho dı clayme u claymotho ma came mşahılfe d’Ninwe, u tukoso İtaloyo d’UPP mtayable workshop calu teqwiyo du dawro di claymutho bu snoco du şuhlofo bgawe du kenşo. Camgabıdathe, mtayıb bi dayro d’Mor Bahnam udi hothayde Sara, cadcido marduthoyo leşan u terkiwo du şlomo udu teqwiyayde b’Ninwe. Bu taro…

U bethdino di şafyutho du Iraq dıkhoyır cala sebwotho du fasad, thımle folitiqoyo mu camaydan dıkmadwo bidactho u bşıkıl lo qonunoyo zuze mu qlimo d’Kurdistan. U rişono di lohitho d’Alrafidayn bu parlamento du Iraq qoyumo Yonadam Yusuf Kanna dkıtyo bebzabno u notarrozo du zawco demoqratoyo Othuroyo, hkim 3 yarhe hbuşyo,…

İ cito d’Yoldath Aloho Meryem d’Ausburg d’Almanya di cito Suryoyto Ortodoksoyto bıthır me ışne yarixe maqımla burgo u noquşo bi dırto di cito. U burgano wu noquşo mqadşi bi rişonutho du efetrufo fatıryarxoyo di marcitho d’Almanya Mo filiksinos Matiyas Nayiş cam kohne u hul 32 mşale folitiqoye du athro d’Almanya.…

U izgado d’Amerika b’Arbil Robert Palladino m’akadle, d’Amerika latla niye dmıgroşo mu Iraq umu qlimo d’Kurdistan. Bebzabno mawdıc, du koalisyon Emwothoyo dkıtyo bi rişonutho d’Amerika, mşadarle kmoyutho d’lojistik folhoyo la hayle di peşmerge du qlimo d’Kurdistan. U izgado d’Amerika b’Arbil sımle athmıl mamlo bu knuşyo dsim lu tbocofroso u mahkele…

Me gabo hreno a Haylawotho d’Suriya Demoqratoyto, msıklın 18 marhıbone bu zabno da cuqobe dsımlın bu macırbo du qlimo d’Deyr Ezzor. Bebzabno mawdıc, a hayle di mşaynutho di hiğmonutho d’Ninve bu garbyo du Cıraq, msıklın 4 marhıbone d’Dacış bi fnitho d’Zumar dkıtyo qarıwto la thume d’Suriya. Bi maqırhonutho dhuwlın athmıl…

U Hudro du Quyomo da Mşihoye du Madınho, mkamele i tahraztayde du feroqo d’500 duşne la tloye dan abne u bnotho du camaydan b’Turabdin. Bi egartho dmatilan mu hudro d’WCO, kımqadım a tahınyothayde lkull man dhawi sanodo bi tarmithathe. U Hudro du Quyomo da Mşihoye du Madınho-WCO, mabdele meqım zabno…

İ Sunadus di cito catıqto d’Madınho, mnaqela qaşişo Daniel Bar Arxıdyaqun Timathewos hasyo li marcitho du Iraq u bebzabno dhowe mcadrono fatıryarxoyo. İ syumutho du hasyo gıdhuwyo 26 bu yarho d’İlul, dkıtyo u yawmo du duxrono du Slibo lfuth u surgodo di cito catiqto d’Madınho.  Qaşişo Daniel mawladwo bi şato…

A tayosyotho da hayle kaboşe d’Turkiya, sımlın cuqobe hathe calu gerilla di PKK bi hiğmonutho d’Nuhadra bu garbyo du Iraq. Bebzabno, mınyono celoyo ma comure d’Nuhadra, sımlın taglitho du protesto mqabıl da hçomani d’Turkiya udi aykanoyutho harıwto di ciyeşe bi hiğmonutho. Lfuth dafe frişe du qlimo d’Kurdistan du garbyo du…

İ qadişutho du fatıryarxo di cito Suryoyto Marunoyto Mor Bşara Bıtrıs Alraci, tlıble me Amerika umu kenşo Emwothoyo dsundi Lebnon bu maşıqlo casqano, bnişo dlo mıshıf u haykılo du athro. Fatıryarxo Alraci bi ytawto dhawile cami rişathizgadto d’Amerika b’Lebnon Dorothy Şiya, sımle sturo i mdabronutho d’Waşington cal dlo b’idactho kobo…

Mbayın zıd me 100 milyare dinare Iraqoye xıd tazminat la comure d’Ninwe dhzelın husrono ma qrobe uma cuqobe folhoye; beynothaye tazminat dgımitahwın lu camaydan di daşto d’Ninwe. Mxasra hreto, i sictho dıkmaydo li ido a şkuwat du camaydan uda Sabiaa Mandoye dıkbişi a botathe, hiw fusqono dmitawrıxi a fulhonayda. I…

Adyawma a matiboneydan d’Suroyo TV bi Gozarto d’Bethnahrin, laqın u malolo du koalisyon Emwothoyo dkobe ağono mqabıl da marhıbone d’Dacış bu Madınho Mescoyo-Wayne Marotto. A matiboneydan bıthır ma şuwole gawonoye du ağuno mqabıl di marhıbonutho, mıdlın i hzaytayde cala hayle hayle folhoye du cameydan-MFS u calu ağuno dkobe u cameydan…

Bu darbo du nawlo, mtayıb u lumodo da tmınyo da şbile du leşono Suryoyo udi tarbitho tawdithoyto Mşihoyto bu Iraq. Bu lumodano dmıştawtaflele 120 falohe ba şutose mşahılfe du yulfono Suryoyo, mbayın menyono d’fuqdone dgımiqadmi li şultonutho du Iraq, bnişo dmişawşıti a şbile du leşono Suryoyo udi tarbitho Mşihoyto. Bu…

14 bu yarho d’İlul dıbqamuthayna, gıdmidıq u noquşo di cito qadmoyto dkamıl u hethothayda bu macırbo di mdito d’Mawsal. Ucdo kımdawmi a fulhone du tehito du noquşo hatho cali qubtho di cito d’Mor Tuma Şliho da Suryoye Qatholiqoye, leşan dmidıq inaqla qamayto bıthır mıd kbişowa Mawsal ba 2014 mu tukoso…

Tlotho bote hathe dıkbişiwo b’Boğdod me hın farsufe dıkmısnodi me hayle folitiqoye u folhoye bi şultonutho du Iraq, madcıri ucdo la morathe dkıtne mu camaydan uma Sabiaa Mandoye. Lfuth i sictho dımşatsowole Muqtada Alsadır, madcır holucdo hol 85 bote kbişe lu camaydan ula Mandoye bu Iraq. İ sictho dımşatsowole u…

I aykanoyutho d’Lebnon, kul dkothe kıhurwo u dilonoyith u camaydan du athro kışofıc b’maşıqlo ğalabe casqo u sniqoyo’yo lu snodo du camaydan.  Leşanathe, u froshezwathxu Suroyotv, gıdmtayıb tahrazto di mcadronutho lan abne u bnotho du camaydan dıkhoyın b’Lebnon. I tahraztathe dkıtyo hayo, gıdmisomo 29 bu yarhano d’Ob, bi şoctho da…

A Haylawotho d’Suriya Demoqratoyto bu snodo da hayle du koalisyon Emwothoyo dkıtyo bi rişonutho d’Amerika, msıklın marhıbone d’Dacış bu qlimo d’Deyr Ezzor. Mawdıc ba cuqobani dsimi athmıl, msıklın a hayle d’QASAD tre marhıbone bi mdito d’Thiban dıknuflo 50 kilometre mu madınho d’Deyr Ezzor. Lfuth u qentrun du tbocofroso da Haylawotho…

U tahlufo di rişonutho zawgoyto du mawtbo mşablono du garbiyo udu madınho d’Suriya Josef Lahdo, mzaharle mu dcoro du tukoso marıhbono dı Dacış la haye bu zabno dıkqoşın ahçome Turkoye cala fenyotho dı Derik u d’Zarkan. Camgabıdathe, u malolo da haylawotho d’Suriya demoqratoyto d’QASAD Aram Hanna sımle qroyto la hayle…

A’nacime di marcitho d’Mor Yusıf di cito Kaldoyto d’Bobıl bu athro d’Kanada, mqadamlın inaqla qamayto lu rozo du fağro mqadşo d’Moran Yeşuc Mşiho.  Lu zawho du tehwiyo du fağro mqadşo, mıştawtafle u kohno wa şamoşe di marcitho, a’yaqrotho da nacime dhew elaye u fağro u menyono dımhaymne.  İ cito Kladoyto…

Grub dı tukose di mcadronutho noşoyto, mzaharlın dkito zıd m’12 malyune dıbnaynoşo dıkloqın u qento di bsirutho da maye, du muklo udu kahrobo ba tre athrawotho b’Suriya ubu Iraq. Camgabıd du qtoco da maye mi xasra dı Turkiya u du İran, i naşifutho, u şuhlofo du muzoğo wi bsirutho da…

I mdabronutho yothoyto du garbiyo udu madınho d’Suriya, sımla qroyto l’Amerika ul’Rusya dmahwın klayto qrihto u msarhabto m a hçome haroye dıksaymolın Turkiya calu garbay madınho d’Suriya. Camgabıdathe, mtayıb hfitwotho ba mdinotho dı Tabqa udı Der Ezzor mqabıl da hçome dıksaymolın Turkiya cali fnitho dı Tel Tamır, ubebzabno tlib dmitıctarıf…

I qadişutho du fatıryarxo di cito Suryoyto Marunoyto Mor Bşara Bıtrıs Alraci, krıhle u qedomo da rişone folitiqoye d’Lebnon dıkmahwe dkıtne b’fusqono kamilo dımfarfısi Lebnon xıd athro u xıd egartho di mdinoyutho. Bebzabno, fatıryarxo Alraci dımakadle u snodayde lu qawmo camonoyo d’Lebnon, mawdacleste du camo gdımdawım dmahwe u mrodayde hul…

A’fulhone du hethotho da darbone kımdawmi heş bi mditho Suryoyto d’Bağdede di daşto d’Ninwe. Lfuth u qaymaqam d’Bağdede, mabdın ucdo a’fulhone du hethotho du darbo rişoyo dkımşare mu garbiyo du qentrun d’Bağdede lafi qastra d’Karamles. U qaymaqam di qastra Suryoyto d’Bağdede di daşto d’Ninwe Cisam Bahnam Matti, mawdacle da fulhone…

A’haylawotho di mşaynutho di mdabronutho yothoyto du garbyo du madınho d’Suriya hani zabno ksaymi cuqobe cal hın farsufe dkıbci saymi şğuşye u bebzabno dıksaymi goşuşutho mqabıl di mdabronutho yothoyto. Ba cuqobe dsımwolın cali Derike msıkwolın zıttır me 40 farsufe baynothaye ha ma abne du cameydan dkıtyo Abdullahd Adam. Bıthır ma…

I qoyumtu d’Batman du Gabo Demoqratoyo da Came HDP Feleknas Uca mırla ”a Ezidoye Dacış lo qadır dmatımme Turkiya kıbco qışcolın” Uca mawdacla a hjome oyaroye dıksoyım u Gayso d’Turkiya cal Şigor hawbo di noşuthone. Feleknas Uca dkıtyo qoyumtu Ezidoyto mu gabo d’HDP bi maqırhonutho dhula cala hjome dıksaymo Turkiya…

U athro Yawnan, mqabıl di golutho dkibe dhuyo me Afğanistan mkamele u bnoyo du şuro dcalu thumo d’Turkiya. U şurano dkıtyo 40 kilmıtre, kito ntırto dkole qamuthıd di golutho lo qonunoyto dhuyo lu athro du Yawnan. A mmathlone Yawnoye mawdacce, bu zabno dıkımdawmo i zıctho mi golutho dkiba dhuyo bıthır…

U Gabo du xalas du Camo HKP maşkele calu rişqutnu d’Turkiya Recep Tayyip Erdoğan cal dımwasafle a Taliban. I şkuwe l’Erdoğan hawyo cal dıksoyım propaganda l’Tukoso Marhıbono.  Cal du rişqutnu d’Turkiya Recep Tayyip Erdoğan dmırle ” bı thnihutho kmıstaqbılina a maqırhonwotho b’kayle u rakixe da mdabrone da Taliban” a sniğre…

U Mawtbo Umthoyo d’Bethnahrin MUB mqadamle egartho d’buyoe li eqartho dı mnoho Cabo Coşar Beth Hane. Mnoho Abo Coşar mu yawmo qamoyo mcadrono u sanodo du ağuno umthonoyo udu Froshezwaydan d’Suroyo TV’we. U Mawtbo Umthoyo d’Bethnahrin bu şuroyo di egarthayde da buyoe kmawdıc, u myaqro du babo di Hadımto du…

U rişono du gabo du Huyodo Suryoyo Tibeloyo d’USUP İbrahim Murad, mawdacle du sistem konfedraloyo kımmathıl u şroyo towo dkulle lu kriz qaşyo dıkşofıc ebe Lebnon bu maşıqlano ducdo, dilonoyith bu zabno dkımnase u gabo d’Hizballa dmarku sistem tawdithoyo idyolojik mşawhıroi u masro cami tahrazto dkıtle u athro Maşılmono du…

U rişwazire catiqo d’Lebnon Sacd Alhariri hule funoyo lu gabo d’Hizballa dmawdacwole athmıl di sfitho İranoyto qadmoyto dkıtyo matcanto Mazot mşadro lu athro d’Lebnon. Alhariri mırle “a’sfinotho İranoye du snodo gıdmamtın camruhaye qento u tedbire hathe mqabıl d’Lebnon”. Alhariri mawdacle ste du tehzimo du nafto lu rejim d’Suriya, i celtho…

İ mtakasto da nacime d’Emwotho Mhaydotho d’Unisef, maglela dkito zıd mı milyar d’nacime dkıtne bu qento mu tathir du şuhlofo du muzoğo udi çıbliye du kyono dıbritho. Bayn da n’athrawotho dkımmathli qento rabo cala nacime, kito u Hınd, Nigirya, Filipin u falqo m’Afriqya. Lfuth i sferyawmo Britanoyto d’The Gardian, u…

U gabo di hirutho udi demoqratoyutho da Yezidoye, mawdacle da hçome haroye cal Şigur athın luhwoyo bu taro du qyomo dımdewo bayn di şultonutho du Iraq wu gabo demoqratoyo d’Kurdistan di KDP. U gabo Yezidoyo bu hfuxyo dmahwele cala hçome dsımla Turkiya cali fnitho d’Şigur, mawdacle dkio nişo dmıtwır u…

U mawtbo da citotho du madınho mescoyo, mzaharle mu şğuşyo rabo dkito ucdo b’Lebnon, cal dkibe dhowe şuroyo du maşıqlo haroyo du fırfoso du kenşo udu athro. Bu hfuxyo dmahwele u mawtbo citonoyo calu furqoco d’Cakkar, tlıble ma şutose ruşmoye d’Lebnon dnıfqi moro lu mede dfayış mi şalyutho d’Lebnon. U…

U qoyumo Suryoyo bu parlamento d’Turkiya Tuma Çelik mşayele calu tecmiro dıkımdawım b’duktho makthabzabnoyto di Mditho d’Mırde. Çelik mşayele u şwolano lu waziro du Mahduro Murat Murum.  Bi rmoyto du şwolo dımqadmole u Qoyumo Suryoyo Tuma Çelik kmawdıc, bi şquqo qadmoyto dkıtyo bu qentrun di duktho makthabzabnoyto d’Mırde mi şato…

Bi dayro d’Mor Matta di cito Suryoyto Ordodoksoyto di daşto d’Ninwe, hiw u qurbono qamoyo l’50 nacime mu camaydan dıkhoyın ba qıryawotho mşahılfe dkıtne hedor di dayro. Camgabıd da yaqrotho da nacime, mıştawtafle ste lu zawho du tehwiyo du qurbono mqadşo hsayo, kohne u dayroye di cito Suryoyto. 15 bu…

U koalisyon emwothoyo dkımrayşınole Amerika, b’cuqobo dilonoyo dsımle bi fnitho dı Der Ezzor msıkle ha ma rişone dı Dacış dkımşakalwo qento rabo cala fenyotho du garbiyo udu madınho d’Suriya. Bu cuqobano dsımle u koalisyon, qayıthle ste snodo ma haylawotho d’Suriya demoqratoyto d’QASAD. U koalisyon emwothoyo dkımrayşınole Waşington wi wazirutho du…

İ madraşto qadmoyto ihidoyto du camaydan b’Turkiya qmırla u şukono emwothoyo di otho yarıqto da madırşotho dkıtne hawro camu kyono.  İ ganath şabre d’Mor Afrem dı Stanbul leşan dmıdho dı tarte ışne qayıthle i otho yarıqto. U şukono di otho yarıqto, kmitıctarıf ebe emwothoyo u kıtle iqoro, u kmahwe i…

U rişwazire du Iraq Mustafa Alkadhimi sim sturyo qaşyo cali qroyto dsımwole lu camaydan dkıtyo bi golutho dıdocır m’hatho lu athro. Baynothaye sferyawme u nahire Iraqoye mşahılfe, mqadamlın b’qaşmariye li qroyto dsımle Alkadhimi, u mırlın “bu şuroyo dkulle klozım u rişwazire dımcadıl i aykanoyutho du Iraq, ubıthır dsoyım qroyto la…

U kriz du momuno d’Lebnon xlıqle şwolo bu nafto, calathe u gayso mdaxele bi sbutho u mahıtle ido cala nuqazyotho du benzin udu mazot.  Cam gabıdathe i bethkrihe Amerikoyto d’Lebnon mawdacla mu şwolo du kahrıbo uda jeneratöre kito risk dcayşi gunho, wa haye da kayiwe bi tahlukane.   U gayso…

I wazirutho di gawoyutho d’Amerika mzaharla bu yawmo şatonoyo da 20 ışne da hjome dı 11 İlul kibe da hfitwotho du cnufyo dzaydi. İ wazirutho di mşaynutho gawoyto d’Amerika mzaharla meqım mu yawmo şatonoyo da 20 ışne da hjome dı 11 İlul, kibe a hjome tuhmonoye dzaydi. Bi maqırhonutho dı…

Leşan dmıkle qamuthıd da cbore lo qunonoye, bıne hedor da thume da qlime du Madınho udu Madnah tayımno d’Turkiya şuro. Turkiya bıthır mu thumayda dkıtyo cam Suriya, mşarela bınyo şuro bu thumo camu İran, u gıdsaymo şuroste bu thumo dcamu Iraq. U fusqono dmıbne şuro mqabıl da cbore lo qonunoye…

U şutoso dı frontex mahıtle sistem hatho mşawşıto du duyoqo bu thumo du Yawnan cam Turkiya. U Huyodo d’Urifi dkıtle zictho ma galwoye dkibın dothin me Afğanistan kımnase dmaqwe u duyoqo dcala thume. U şutoso dıksoyım u sutoro du thumo du Huyodo d’Urifi Frontex markawle sistem hatho u mşawşıto bu…

İ şhantho dı britho mıqa dıkşofıc u zabno kzayto. U hano ktore dzaydo i naşifutho bı britho wa turone dyıqdi. U yarho dı Tamuz dşafıcina şafıc lu makthabzabno u yarho dhawi u muzoğo şahino ebe ba 142 ışne haroye. Lfuth u taşroro di daira du Okyanus Umthoyo udu Atmosfer NOAA,…

U Federasyon da Hudre Suryoye b’Turkiya SUDEF frısle maqırhonutho dıksoyım qroyto dmitawfıqi a qatole d’Gawriye Sarı. SUDEF dımşalatle bahro calu qatlo d’Gawriye Sarı m’akadleste dıklozım dmınfıq moro la haye ula mulkone da Suryoye. U Federasyon da Hudre Suryoye d’Turkiya SUDEF bi maqırhonutho dfırsole bı kthawto sımle qroyto da qatole d’Gawriye…

Bi mditho Suryoyto d’Bağdede di daşto d’Ninwe, mtayıb hfitutho catırto laşan u duxrono da 83 ışne du qtolcamo du camaydan d’Simele. Camgabıd da mamle dsimi cali mıcne du yawmano, mqadım ste qole citonoye u qre mimre bat re leşone Suryoyo u Caraboyo. Bu calway bu slogan “u admo da sohdaydan…

Bu yarho d’İlıl dıbqamuthayna, gıdlaymo i Sunados mqadaşto di cito d’Madınho d’Othuroye bi mditho d’Caynkawa bu Iraq. Ba ytawyotho di Sunados kmıntır dminaqe fatıryarxo hatho li cito d’Madınho d’Othuroye mdarbıd du fatıryarxo dmıstacfele mi wolithayde Mor Gewargis Tlithoyo Sliwa. İ notarrozutho di Sunados mqadaşto di cito d’Madınho d’Othuroye, frısla buyono…

Adyawma sim u cufoyo d’Gawriye Sare Be Komo dımqafewo qtiloyo bu batyade bi qritho d’Badebbe bu Turo d’İzlo. Lu zawho du cufoyayde mıştawtafle u qoyumo Suryoyo bu parlamento dı Turkiya Tuma Çelik, u kunoşo mu camaydan d’athın ma qıryawotho mşahılfe du Turo d’İzlo. Adyawma safrayto bi cito d’Yuldath Aloho bi…

U zawco d’Alnajbaa dkıtyo masro cama haylawotho d’Alhaşd Alşacbi du Iraq, mzaharle Turkiya mu dewam di ithuthayda i folhoyto ba narcotho du Iraq, u mawdacle ste di siyase dkımmaşela Erdoğan ktıfko u zawco du mrodo Maşılmono laf qrobo cam Turkiya. Bebzabno, u zawco d’Alnajbaa dkıtyo grub mzayno ma Maşılmono Şica…

U Mawtbo Umthoyo d’Bethnahrin d’MUB, sımle qroyto lu kenşo emwothoyo dsoyım hboso calu rejim d’Suriya, bnişo dmagle cali ctidutho du mşalo du wahdo d’Suriya d’MUB ağunisto Sacid Malke. Camgabıdathe, MUB bu buyono dıfrısle tlıble ste mu camaydan du athro udi golutho dımtakıs ruhe udımhayıd udımhalıx bu darbo di hdoyutho umthoyto,…

İ mamlaxtho Caraboyto di Scudiye, mahıtla şartat laşan dımqadmo mcadronutho momunoyto lu athro d’Lebnon. Mbayın da şartat dımbayni, i Scudiye tlıbla mi şultonutho d’Lebnon ducdo yaste dgıdmişaklo bu dactid, dsaymo şuhlofe çıddi udıkmicoşi b’gawıd du athro.  U athro di Scudiye dımakadle i awyuthayde camo camo d’Lebnon, mawdacle ste di mcadronutho…

7 milyare dinore Iraqoye i kmoyutho du husrono gawonoyo dıhzelın a’qıryawotho du garbyo du Iraq, baynothaye qıryawotho du camaydan bi netiçe da hçome dsımle u gayso kaboşo dı Turkiya. Camgabıdathe, hedor 23 alfo donıme darcotho di zaricutho mawqıdi u mahırwi mi  barbroyutho da hçome dıksaymolın Turkiya calu garbiyo du Iraq.…

U camaydan dıkhoye bi mditho Suryoyto d’Bağdede di daşto d’Ninwe, kfix la qentrune du hulmono laşan dmoyıd u vaxin du virus d’Corona. Lfuth u qaymaqam d’Bağdede, zıd m’800 farsufe kmitahwelın u vaxin yawmonoyith. U qaymaqam di qastra Suryoyto di daşto d’Ninwe Cisam Bahnam Matti, bi maqırhonutho dhule lu tboco froso…

İ mtakasto da zedqe noşoye du qlimo dı Froth du madınho d’Suriya, krıhla a’gunhe dıksaymolın Turkiya bhaq da mdinoye dıkhoyın bu garbiyo u bu madınho d’Suriya, u sımlaste sturyo Emwotho Mhaydotho cal dıkfayşo şlitho mqabıl da gunhani.  Bebzabno, i mtakasto da zedqe noşoye mawdacla dıklozım dmitahıt klayto mqabıl Turkiya, udmimıd…

Bi qastra d’Simele bu garbiyo du Iraq, sim u duxrono da 88 ışne da sohde du qtolcamo d’Simele. U qurobo alohoyo dımtayıb laşan u duxrono da sohde Simele, mrayşın mu kohno di cito Othuroyto d’Rusya, u mıştawtaflele ba casrowat mu camaydan dıkhoye bi qastra d’Simele dıksıhdo hul adyawma calu admo…

Farsufo ma abne du cameydan dı hoyewo bi qritho d’Badebe bu Turo d’İzlo mqafe qtiloyo bu bayteyde ba şoce d’safrayto. U farsufano dmadcarwo me Urifi lu athro bu cımro bayn 45 u 50 ışneyo. Lfuth imawdconutho dmatilan muathro athmıl ba şoce d’lalyo şmic qolo da zayne hedor i qritho d’Badebe.…

A’grube dıknıfqi mqabıl di marıhbonutho da haylawotho d’Suriya demoqratoyto  d’QASAD, bu cuqobo dilonoyo dsımlın bi qastra di Şaddade hedor di mditho di Hasake, msıklın tre marıhbone dkıtne hfite bıhdo krulto dı Dacış. U qentrun du tboco froso da haylawotho d’QASAD, mawdacle da grube dilonoye dıknıfqi mqabıl di marıhbonutho sımlın athmıl…

İ rişonitho du Komısyon Amerikoyo di Hirutho Emwothoyo da Tawdiyotho Nadine Maenza, mathkarla u yawmo şatonoyo du qtolcamo d’Simele dsımwo calu camo Kaldoyo Suryoyo Othuroyo bu garbyo du Iraq. Maenza dhani zabno kımcaqbo i aykanoyutho du cameydan dkıtyo bi Gozarto d’Bethnahrin ubi daşto d’Ninwe, ğalabe naqlat grışla u zuhoro cali…

’İ siyase d’Turkiya lo cçiqo xıdu zabnano’ a melani du qoyumo şaryo du cameydan bu parlamento d’Turkiya d’Tuma Çelik’ne. Çelik bi maqırhonutheyde kıgorış u zuhoro cala esore dkıtla i şultonutho cama mafyat du athro-xıdu mede dmawdacwole Sedat Peker. Ba kthawyotho dıkforıs Sedat Peker dıkmitamırle ha marişone di mafya d’Turkiya, kmahwe…

U waziro du sutoro du Iraq, sımle socurutho li arişkoyto d’Mısır Qahira leşan ytawto camu rişqutno Abdul Fattah al Sisi. Bi ytawtathe dhawyo beyn al Sisi udu waziro Iraqoyo Jumma Enad Sacdoon, kle cali methcadronutho beyn da tre athrawotho bu haqlo folhoyo. Athmıl matiwo u waziro du sutoro du Iraq…

U qoyumo şaryo du cameydan bu parlamento d’Turkiya Tuma Çelik, frısle maqırhonutho bu yawmo şatonoyo du du qtolgenso d’Simele dsımwo calu cameydan ban 1933 bu garbyo du Iraq. Me gabo hreno i qadişutho du fatiryarxo di cito Suryoyto Qatholiqoyto Mor İğnatiyos Yusuf III’yo Younan, bi koruzutho dsımle mathkarle u yawmo…

U Huyodo Suryoyo b’Almanya-HSA, mşadarle egartho d’buyoe lu rişono zawgoyo du gabo da yaroqe d’Almanya Cem Özdemir, calu şunoyo di emo Nihal.  HSA mırle; Kıtulbina du uhdono dhawilox cam emox, dobolox haylo hatho u kıtulbinalox rişo basimo, ma cumqe d’lebayna. İ egarthathe dımşadro, kıtucno a imdat da 2 rişone zawgoye…

Şafıc şwac eşne, calu qtolğenso dsımwolın a marhıbone d’Dacış calu camaydan di daşto d’Ninve bu garbyo du Iraq. Işto bu yarho d’Ob, hawi yawmo hreno komo b’gwine du makthabzabno du camaydan, d’jbırwo awıl naqla bu makthabzabnayde dtore ma dukothayde u dhowe galwoyo bu athro, dıbnewolın an abohothayde. Camathe’ste şawco bu…

Hadomo hreno bu parlamento d’Australia mdele i maqırhonutho di mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye. U qoyumo m’akadle u snodayde lu inisyatif mşawtıfo dmabdewolın a 3 camani b’Australia bu yarho d’Şbot da 2020, tlıble mi şultonutho  dımawdıyo ba qtolğense da…

‘Gıdobena dbihuth-nafşo kamılto leşan dımhafdina u camaydan’. A melani du malolo hatho du Mawtbo Folhoyo Suryoyo-MFS, Mharbono Matay Hanna’ne. Hanna huwle i maqırhonuthathe, bıthır mu funoyo dhuwle MFS la hçome qaşye dsımlın a hayle kaboşe d’Turkiya wa marhıbonathe cala qıryawotho du camaydan dkıtne bi fnitho d’Tel Temır. Athmıl, sımwolın a…

U gabo Demoqratoyo da Came-HDP, frısle buyono dıkorıh u qtolğenso dsımwolın a ğrobe marhıbone d’Dacış cala Ezidoye d’Şigor bu garbyo du Iraq meqım şwac eşne.  Bu buyono dıfris mu Mawtbo da Came uda Tawdiyotho b’HDP, kıtolıb mi şultonutho d’Turkiya dmawdyo bu qtolğenso dsim cala Ezidoye ban 2014. Bu buyono dıfrısle…

U mdabrono gawonoyo da yulfone du leşono Suryoyo bu Iraq Cimad Salım Jajo sımle socurwotho la nuqazyothodu yulfono du leşono Suryoyo bi daşto d’Ninwe. Bi socuruthathe, camu mdabrono Jajo mıştawtafwole u mşalo di mdabronutho di tarbitho di hiğmonutho d’Ninwe Yusuf Faraj Elsabcawi. U mdabrono sımle socurutho dıtre yawme la nuqazyotho…

Bu zabno du virus di Corona kımdawım dmibarbız bu qlimo d’Kurdistan du Iraq, a rişone tawdithoye da Mşihoye, da Maşılmone uda Ezidoye d’Nuhadra, tlıbbe mu camo dmoyıd u vaksin mqabıl di Corona. Me gabo hreno mawdıc, gawonoyith bu athro du Iraq kule, zayıd u mınyono da bnaynoşo dtafilın u dınqili…

U qoyumo şaryo du cameydan bu parlamento d’Turkiya Tuma Çelik, huwle maqırhonutho cala yuqdone dıkmdawmi bu athro. Me gabo hreno bu qaytano hawi yuqdone b’athrawotho mşahılfe. B’Amerika kito adyawma jğer mu yuqdono d’Kalifornia hol 97 yuqdone b’dukotho frişe. Ubu Yawnan’ste kımdawmi a fulhone leşan u tetfiyo di nuro hedor i…

Ğrob d’farsufe dheş latyo i hiyoyuthathe idıcto, hçımlın cal qentrun da Haylawotho d’Suriya Demoqratoyto bu qlimo d’Deyr Ezzor. Bebzabno mawdıc, da hayle d’QASAD msıklın marhıbono b’Deyr Ezzor dhani zabno yarixo tolewo ruhe. Bı cuqobe hrene dsimi bi mdito d’Kobani, mqafe cambar rabo da zayne da marhıbone d’Dacış. Lfuth i Mşatasto…

U Mawtbo Umthoyo d’Bethnahrin mtayable u lumodayde u şatonoyo bu siqumo d’ha bu yarho d’Ob da 2021 bu slogan-Hdoyutho Umthoyto. Bu lumodano dmıştawtıflele 120 hadome u hadımyotho di sictho mdabronitho dıkmaydi wolitho ba wahde uba şutose kulle, mid fusqone cala tahrazyotho du fulhono da wahde dkıtle u mawtbo fulhono ebeye.…

U qoyumo şaryo du cameydan bu parlamento d’Turkiya Tuma Celik, frısle maqırhonutho dkrıhle eba u qtolcamo dsımwo calu camo Ezidoyo d’Şigor bu garbyo du Iraq. Me gabo hreno  i Mdabronutho d’Şigor mıdwola fusqono, da şutose u du camo d’Şigor dkole 5 qatinotho d’şetqo lu iqoro da sohde d’Şigor. U qoyumo…

İ Claymutho Liberaloyto u fırco di arişkoyto d’Australia, mawdela bu qtolğenso dsımwola i mamlaxtho da Cuthmanoye calu camaydan, calan Armınoye u Pontus Yawnoye. İ claymtho hfıto du şutosano di Claymutho dımqadamwola i rmoytathe lu quwolo  mırla; Klozım i rmoytathe dmitaqbılo, cal dkıtyo ulsoyto la timoyotho dkıtle u şutosaydan. Bu knuşyo…

U Komisyon Amerikoyo di Hirutho Emwothoyto da Tawdiyotho sımle qroyto li şultonutho d’Woşington u gawonoyith lu kenşo Emwothoyo dsaymi hboso cal Turkiya, leşan dmaklıyo a hawbe dıksaymo ba dukotho dıkbişila bu garbyo u bu madınho d’Suriya. Bi maqıblonutho dsimo cami rişonitho du Komisyonano Nadine Maenza, bşıkıl rwiho maglela cala hçome…

I qadişutho du fatıryarxo di cito Suryoyto Marunoyto Mor Bşara Bıtrıs Alraci, mhanele u gayso d’Lebnon bu yawmo şatonoyo du cedo athronoyo du gayso, u makadle dbalhude u gaysoyo dkıtle i wolitho dımdafıc i morutho d’Lebnon wi şaryuthayde. Camgabıdathe, i qadişuthayde naqla hreto sımle sturyo a’rişone folitiqoye dıkmahti tırpılyotho qum…

İ madraşto di qritho d’Alkozaliya dıknıflo bu macırbo dı Tel Tamır bu garbay madınho d’Suriya, mido nişo baroyo lu hçomo du gayso kaboşo dı Turkiya wa çatawiyayde. İ mdabronutho du yulfono dı Tel Tamır, bu hfuxyo dmahwela calu hçomano mawdacle du hçomo cala madraşyotho gunho du qrobo yo lfuth Emwotho…

A’qoyume du koalisyon di hdoyutho umthoyto du camaydan bu parlamento du qlimo d’Kurdistan du Iraq, sımlın sturyo a’hçome dıksaymolın Turkiya udkobın husrono rabo la qıryawotho du camaydan bu garbiyo du Iraq.  U sturyano athi luhwoyo bi ytawto dhawile u koalisyon di hdoyutho umthoyto du camaydan camu rişızgado Turkoyo bu Iraq…

Adyawma mtayıb u knuşyo şatonoyo da Mawtbe Folhoye da Haylawotho d’Suriya Demoqratoyto-QASAD. Beyn da mıştawtfone dlu knuşyano, kito mşale u mathlone du Mawtbo Folhoyo Suryoyo-MFS cam taşdarto mu koalisyon Emwothoyo dkobe ağono mqabıl Dacış. Bu nişo; A Haylawotho d’Suriya Demoqratoyto u garanti da yuthrone du qawmo udu huroro da fenyotho…

U rişono gawonoyo da Haylawotho d’Suriya Demoqratoyto-rabhaylawotho Madhlum Cabde, b’qaşyutho krıhle u qtolcamo dsim cali iqartho Kurdoyto bi mdito d’Konya d’Turkiya. Calu qatlo di iqartho Dedeoğlu Cabde mırle; Bkull meltho qşitho, kımasleno u hçomo faşist dsim b’Konya. Bebzabno mawdıc, du polis Turkoyo msıkle 13 farsufe dıkmıthomi bu tuyobo du hçomano…

A Haylawotho d’Suriya Demoqratoyto maglelın, dımsıklın tıre ma mşale folhoye da ğrobe marhıbone d’Dacış bu madınho ubu taymno di Hasake. Bebzabno a hayle di mşaynutho gawoyto di Hasake mawdaclın, ba cuqobe dsımlın athmıl bu garbyo ubu madınho d’Suriya, msıklın 42 farsufe dıkmıthomi bu tuyobo d’hawbe frişe. Bi maqırhonutho dhuwlın a…

Leşan u tuyobo da fulhone udi hedriye da guboye gawonoye du Cıraq, mqadamla Amerika 9.7 milyone dolare lu tukoso d’Emwotho Mhaydotho lu snodo du Cıraq-UNAMİ. Me gabo hreno u Huyodo d’Urifi m’akadle, dgıdobe 8 milyone hrene lu Cıraq, leşan a fulhone du tendifo du athro ma maynat-ma foqucotho di arco,…

Şawco farsufe d’iqartho hıdo, qtili bu hçomo barbroyo dsımlın a tuhmonoye qaşye d’Turkiya calu baytathe b’Konya. Mqabıl du qtolcamano dsim cali iqartho Kurdoyto d’Konya, gabe frişe d’Turkiya u acmayeste gabe wu qoyume frişe du parlamento d’Urifi mahwelın hfuxye ubı qaşyutho krıhlın. İ iqartho Kurdoyto d’Dedeoğlu, hawyo dıbho du qtolcamo barbroyo…

A Haylawotho d’Suriya Demoqratoyto, mhanelın u fusqono dmıdla Amerika bi sbutho da tedbire dmahıtla cala marhıbone noqufe d’Turkiya b’Suriya. Bi maqırhonuthathe a hayle d’QASAD sımlın’ste qroyto lu kenşo Emwothoyo ula tukose da zedqe noşoye dımdawımi dsaymi hboso folitiqoyo u dmimıd tedbire mqabıl da hayle dıksaymi hawbe mqabıl di noşutho. İ…

U Tukoso Leşan u Sutoro da Mşihoye-İDC, b’fsihutho mıstaqbele u fusqono du Mawtbo tahtoyo d’Amerika leşan dmitakle u snodo folhoyo dkobe u athro la hayle folhoye d’Azerbaijan.  Me gabo hreno, an Armınoye, a Kurdoye wa Qufrusoye dıkhoyın b’Britania, tlıbbe mi şultonutho d’London dmahto tedbire cal Turkiya. In Defense of Christians-awkith…

Ba zabnani kınofıq yuqdone qaşye ba cobe d’athrawotho mşahlıfe dı britho ume celothe frişe. Ucdoste kmitawdıc dkito hol 63 yuqdone frişe ba cobe d’Turkiya dhawın celtho lumawto dımınyono dımdinoye. Elo calu şıkıl du qedomo di şultonutho d’Ankara lu şroyo du qetrano da yuqdone’ste mahwe hfuxye u mtayıb tagliyotho mqabıl dida.…

İ sbutho du bethdino du dayroyo Aho Bilecen di dayro d’Mor Yakub d’Qarne, nqilo lu komisyon du Huyodo d’Urifi. Bi sbuthathe bu funoyo dhuwle u mşalo da esore baroye du Huyodo d’Urifi Josef Borell la şuwole da qoyume Hollandoye mırle; İ dişutho dcala Suryoye b’Turkiya zayido bu zabnano di Corona.…

İ şultonutho du qlimo d’Kurdistan du garbyo du Iraq, maqbela di fnitho d’Zaxo u d’Soran, dhowelın Mdabronwotho yothoye. Bu quwolo dsim athmıl bu Mawtbo da wazire di şultonutho di KDP, mayıd dmisomi a tarte fınyothani Mdabronwotho yothoye. Bu knuşyo dsımle u Mawtbo da wazire di şultonutho du qlimo d’Kurdistan bi…

Almanya rfıdla u talab d’Turkiya, dmitaslamla u kathowo saqıbloyo di şultonutho du rişqutno Recep Tayyıb Erdoğan-Abdullah Aymaz. U talabano d’Ankara mqadım yawmo, bıthır mıd Almanya maglewola di şultonutho d’Turkiya kıtla lohitho d’ışmone d’Turkoye saqıbloye dıkhoyın b’Almanya, dkito plan du qatlathe. İ wazirutho di gawoyutho d’Almanya athmıl m’akadwola bu parlamento du…

Bi maqırhonutho dıfriso me Armenia mawdıc, dıtlotho ma folhayda qtili ma hayle d’Azerbaijan, bıthır ma taxtuşe dnafıq beynothaye cala thume dbeyn da tre athrawotho. Yerevan makadlaste, da taxtuşani hawın a qaşye dkulle mu zabno du qrobo dhawiwo beyn Armenia u Azerbaijan calu qlimo d’Nagorno Qarabax bi harayto di şato d’şafıcina.…

U waziro di baroyutho d’Rusya Sergej Lavrov, sımle qroyto lu kenşo Emwothoyo dmacle qole, leşan u sutoro da Mşihoye dıkmırdofi bu Madınho Mescoyo. Lavrov mawdacle’ste, di wazirutho di baroyutho wi cito Rusoyto Orthodoksoyto, kımaşın tarmıyotho frişe bi sbutho di mşaynutho da Mşihoye. Bi maqıblonutho dsımle u froshezwo Rusoyo camu waziro…

İ şultonutho d’Berlin makadla, cali lohitho da ışmone d’Turkoye saqıbloye dıkhoyın adyawma b’Almanya. Mawdıc da farsufani dkıtne bu zyodo gelyunore saqıbloye d’Ankara, mahti bi lohithathe leşan u qatlo. Cali egartho du şwolo dımqadamwola i qoyumto Evrim Sommer lu parlamento d’Almanya, ucdo i şultonutho federaloyto makadla d’Turkiya kıtla lohitho dışmone d’saqıbloye…

‘Ba casrowat d’galwoye ihtimal rabo mvayaclın a hayathe bu gedşo dmafıtla i sfithathe bu yamo d’Libya’, i mawdconuthathe d’Emwotho Mhaydotho’yo. Lfuth hın sohude d’maxlase mu mawto, kıtwo 20 neşe u tre tloye beyn da galwoye dıhniqi bu gedşano di sfito. U malolo du Tukoso Emwothoyo da Galwoye-IOM huwle adyawma maqırhonutho…

Bayn 50 u hul 60% mu camaydan u Suryoyo dacır li qastra d’Bağdede di daşto d’Ninwe mu zabno dsımwo u hurorayda m’Dacış bi şato da 2016 uhul ucdo. Cala tahrazyotho du bnoyo u hethotho d’Bağdede, i qaymaqamiye mawdacla dmasrıf hul ucdo 6 milyare dinore Iraqoye. U qaymaqam di qastra Suryoyto…

Bi qastra dı Rmelan bu garbay madınho d’Suriya, mtayıb adyawma u lumodo trayono du mawtbo da neşe da yaqrotho da sohde di Gozarto Bethnahrin. Bu lumodano dmıştawtaflele mşale u mathlone d’gabe u şutose Suryoye, kmıntır dmisım şuhlofe bu haykılo du mawtbe da neşe da yaqrotho da sohde, ud’miayıd u nomuso…

U mawtbo di mdabronutho yothoyto demoqratoyto d’Şigur dmıştawtaflele ste a’Maşılmone Şica du garbiyo du Iraq, naqla hreto makadle di tarmithayde mhaydonithoyo la n’arcotho du Iraq ukmıhşowo u mathlo towo dkulle lu şroyo da krize du athro. U mawtbo di mdabronutho d’Şigur bu huthomo du konferansayde u rbicoyo, sımleste qroyto li…

Bi maqırhonutho dıfrıslın a Haylawotho du sutoro du Camo-YPG, maglelın cali hiyoyutho da Sohde dmahrawla Turkiya wa marhıbonayda a bethqburathe bi mdito d’Afrin. İ maqırhonuthathe di YPG friso, bıthır mıd a hayle kaboşe d’Turkiya thımwolın a hayle d’QASAD bu hawbo du qtolcamo b’Afrin. U qentrun du tbocofroso da Haylawotho du…

A hayle Kurdoye di HPG mawdaclın u kunoşo da cuqobe dsımlın a hayle kaboşe d’Turkiya bu garbyo du Cıraq. Bi mawdconuthathe magle, di HPG qtila b’zabno d’3 yarhe 494 folhe Turkoye. Me gabo hreno mawdıc’ste, dnafıq taxtuşe beyn du gerilla di PKK uda hayle di peşmerge di KDP bi hiğmonutho…

Lebnon dıkşufco ucdo b’maşıqlo ğalabe casqo bu haqlo du momuno, mdela qyomo camu Iraq bu haqlo du mazot, leşan dmaxifo ışmo u kriz dkito bu athro. Mqabıl d’milyon tonat d’mazot i şato mu Iraq, gıdobo Lebnon mal u gıdmaşyo ğer fulhone lu Iraq, leşan dmaxifo i bsirutho dkito bu haqlo…

 U Tukoso Emwothoyo di Yortutho Marduthoyto-UNESCO, tlıble me Turkiya dobo fuşoqo cali cito d’Aya Sofiya udı cito d’Chora dımşahlıfi l’masığde. UNESCO dmawdacle ilo thnihuthayde bu şuhlofano dsim, tlıble me Ankara dımqadmole u taşrorano bu şuroyo di şato dıbqamuthayna. Turkiya idicto’yo bu qedomayda i naşifo la bnaymothoyayda dlatne Turkoye uli yortuthathe…

U polis d’Urifi-Europol, msıkle şabake dıknuqlo galwoye lo qonunoyith me Turkiya lu Yawnan. İ şabakathe dıkmıstacmela radoyto b’timo celoyo, macrela 15 galwoye eba.  Me gabo hreno, sfito dkıtwo bıgawa 45 galwoye; beynothaye galwoye Cıraqoye, ğayiro athmıl bu yamo du tayman macırbo d’Turkiya. Radoyotho time xıd Mercedes uğer, kmitıstacmıli ma şabakat…

Zıd me 10 marhıbone du gayso kaboşo d’Turkiya, qtili b’şişaltho d’hçome dsimi ma Haylawotho du Huroro d’Cafrin bu garbiyo d’Suriya. Me gabo hreno, u camo dıkhoye bi fnitho d’İdlıb mahwele u ruğzayde l’Turkiya cal dıkfayşo şlitho mqabıl da hçome dıkmisomi me Rusya umu rejim cali fnitho d’İdlıb. A haylawotho du…

U rişono zawgoyo catiqo du gabo Demoqratoyo da Came-HDP Selahattin Demirtaş, mdaşın u şukono da zedqe noşoye d’Weimar. Demirtaş mdaşın u şukonano, cal dhze xıd ha ma folitiqore ulsoye u rişoye di saqıbloyutho d’Turkiya bu makthabzabnoyo haroyo. Selahattin Demirtaş dkıtyo heş ma 2016 bu hbuşyo d’Edirne d’Turkiya, mdaşın u şukono…

I rişonutho zawgoyto du Mawtbo di qastra di Dırbasiye d’Suriya, mawdacla du futoho di nuqazto du thumo d’Bab Alhawa, belhude kımcadır a marhıbone du tukoso d’Tahrir Alşam, wu medano gıdmathır mrimono cala bnaymothoye d’Suriya. U rişono zawgoyo du Mawtbo Rustom Bakır, bi maqırhonutho dhule lu tboco froso mawdacleste du sxoro…

Hadımto hreto bu parlamento d’Australia mdela i maqırhonutho di mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye. Bi maqırhonutho du snodano di qoyumto Kristy McBain, tlıbla mi şultonutho federaloyto d’Australia dımawdıyo ba qtolğense da 3 camani. Bu yarho d’Şbot dı şafıcina, mşakalwo…

Bu yawmo şatonoyo da 9 eşne du qawmo di Gozarto dkıtyo 19 bu yarho d’Tamuz, frısle u gabo Demoqratoyo da Came egartho u mhanele a came frişe di Gozarto d’Bethnahrin. Me gabo hreno mawdıc, d’Katalonia kımtaybo ruha dmawdıyo bi Mdabronutho yothoyto du garbyo udu madınho d’Suriya. U gabo Demoqratoyo da…

U rişono d’Amerika Joe Biden mıstaqbele bu Qusro Heworo b’Waşington, u Malko d’Yurdnon Cabdalla II dıksoyım ucdo socurutho lu athro d’Amerika. Lfuth u tboco froso dı britho, u nişo di socuruthathe dmitaqwiyo i şawtofutho stratejikoyto beyn di mamlaxtho d’Yurdnon udu athro d’Amerika’yo. U malko d’Yurdnon Cabdalla II bi socurutho dsımle…

İ marcitho di cito Kaldoyto d’Bobel bi mdito d’Basra bu tayımno du Iraq, mşarela me hatho bu tehwiyo du yulfono Mşihoyo u marduthoyo la nacime di marcitho. U yulfonano dmaklewo bi şato dşaficina da 2020, kmıştawtafle ucdo zıd me 60 talmidhe u talmidhyotho. İ cito Kaldoyto d’Mor Afrem d’Basra, mşarela…

U Mawtbo Umthoyo d’Bethnahrin, frısle egartho d’buyoe li iqartho du mnohnafşo maqıdşoyo Murat Beth Çino-Gigo.  İ egarthathe d’MUB, mqadmo la tarte hadımyothayde Nisane Hobel u Zero Gigo. Sictho di Rişonutho du Mawtbo Umthoyo d‘Bethnahrin-MUB ba melani kımşaryo; U myaqro du babo da hadome du Mawtbo Umthoyo d’Bethnahrin Nisane Hobıl u…

Sami Baydar dkıtyo ha ma abne du cameydan mraşahle ruhe la ğuboye gawonoye du parlemento du athro d’Almanya. Sami dkıtyo hfito folitiqoyo mu gabo du mawtbo du camo Suryoyo d’Urifi mraşahle ruhe me Bayern u Ausburg. Sami Baydar dkıtyo cımre 29 ışne malfono du leşono Suryoyo u gılyunoro mraşahle ruhe…

İ qadişutho du fatıryarxo di cito Kaldoyto d’Bobıl Mor Luwis Rofayel Qadmoyo Sako, yatu camu rişono du qlimo d’Kurdistan du Iraq Neçirvan Barazani ucamu rişwazire du qlimo Masrur Barazani. Mbayn da sebwotho rişoye dıdrişi ba tarte ytawyothani, i aykanoyutho du camaydan wa şartat du dcorayde li daşto d’Ninwe ula dukotho…

Ahfite u nahire di mditho d’Mawsal krıhlın u qedomo di karxutho dlıkmahwiyo yasifutho la nathare uli mdinoyutho catıqto di mditho. Ba maqırhınwotho dıkmıfrosi ba dafe kenşoye du nawlo, anahire d’Mawsal kmawdıci da nathrawotho dı britho kulle knıfqi moro la natharththe, elo balhude i karxutho d’Mawsal bidactho kımhalqo u zawlo qum…

Bi mimartho dıfriso me gelyunoro Turkoyo, bşıkıl rwiho mahkele cala Mşihoye d’Turkiya, i aykanoyuthathe, da citotho u da dayrathe wu qedomo di şultonutho li yortutho da came Mşihoye du athro. Bi mimarthathe mahke cali jeoğrafia d’Turkiya u aydarbo u camo şerşoyo-Armınoyo, Suryoyo u Yawnoyo bnele u macmarle mdinotho frişe u…

‘Ba casro alfayo dıbnaynoşo dıkhoyın bi fnitho d’Tel Tamır u hedora, kmıhromi ma haye umu kahrobo ma hayle kaboşe d’Turkiya’. A melani du rişono zawgoyo du Mawtbo Mdinoyo d’Tel Temır’ne. Bi maqıblonutho dsimo camu rişono zawgoyo Joan Mela Ayoub, mahkele cala hawbe ucala dyoşe dıkmaşyo Turkiya dıkturyo a bnaymothoye di…

Me gabo hreno u Mawtbo d’Suriya Demoqratoyto, sımle qroyto l’Turkiya dımbatlo i siyasayde di bcelıdboboyutho u dmaslımole a şlade da Sohdayde. İ maqırhonuthathe d’MSD friso, bıthır mıd a hayle kaboşe d’Turkiya wa marhıbonathe, hfırwolın u mawfaqwolın a şlade da Mharbone di YPG b’Afrin u dıthımwola QASAD dsımlın qtolcamo bi mdito.…

U Slibo Suryoyo wu gabo du Huyodo Suryoyo Tibeloyo frıslın tarte egrotho d’tawdiyotho li iqartho dbe Haffo, cal mcadronutho zuzonoyto dımqadmo lu cameydan d’Suriya u d’Lebnon cali ruho du mnohnafşo Ninos Aşuri Minasson. Ba egrothani kmiqadım tawdiyotho li iqartho be Haffo, dkuwyo mcadronitho lu cameydan du athro dıkfoyıt me casqutho…

U rişono gawonoyo da Haylawotho d’Suriya Demoqratoyto Mazloum Cabde, sımle qroyto lu kenşo Emwothoyo dsoyım buhone cala hçome dıkmaşyo Turkiya b’Afrin bnişo dmitaklın a hawbe dıkmisomi cali noşutho. Bebzabno u şutoso da Yaqrotho da Sohde frısle maqırhonutho u bı qaşyutho krıhle a hayle kaboşe d’Turkiya dıhfırlın u dmawfaqlın a şlade…

Bethdino Hollandoyo, hkımle marhıbono du Gbino d’al Nusra l’20 eşne hbuşyo ma hawbe du qrobo. Bıthır ma ithbate dımqafın calu marhıbonano, m’akıd dqtiwole folho du rejim d’Suriya qum du nahro d’Froth ba 2012. Athmıl bethdino Hollandoyo, hkımle u marhıbono du Gbino d’al Nusra-Ahmed al Xıdr l’20 eşne hbuşyo. U marhıbonano…

U şutoso d’ADFA dkıtyo bi rişonutho du gelyunoro şaryo Nuri Kino, hule mawdconutho cala fulhone dıkmaşın bu haqlo di mcadronutho u bebzabno mqadamle a talabathe leşan u snodo du cameydan du athro. U mamlo wa talabani dhawile ADFA, mqadmi bu konferans dımşarewole 13 bu yarhano u dkamıl athmıl b’Waşington d’Amerika.…

U rişono di marcitho d’Mawsal ud’hedora di cito Suryoyto Orthodoksoyto hasyo Mor Niqodimos Dawud Matti Şaraf sımle socurutho li qadişutho du fatıryarxo di cito Kaldoyto d’Bobel Mor Luis Rofayel Qadmoyo Sako. Mxasra hreto, fatıryarxo Sako yatu camu rişono du gabo Demoqratoyo d’Kurdistan Mascud Brazani, u drışle acme i aykanoyutho du…

U qoyumo şaryo du cameydan bu parlemento du athro d’Turkiya dkıtyo mathlono di fnitho d’Merde Tuma Celik, bi maqırhonuthayde dıfrısle b’qaşyutho krıhle u hçomo dsim cali cito Armnoyto d’Stambıl. U qoyumo Çelik bi maqırhonuthayde komır “m’zabno l’zabno kowe hçome cala dukotho da Mşihoye, mawxa ksaymina qroyto la mşale dsaymi u…

Anabne du camaydan dıkhoyın b’Ankawa du Iraq, mşadarlın egartho li qadişutho du fatıryarxo di cito Qatholiqoyto Mor Fransis qadmoyo. Bi egarthathe u camaydan tlıble mu Papa, dmaxlıs i nuqazto harayto da Qatholiqoye mi şultonutho du qlimo d’Kurdistan. Bu şuroyo di egarthathe, mahke cal Ankawa dıkhoye eba adyawma hol 30 alfo…

A rişone du Mawtbo da Citotho du Madınho Mescoyo, sımlın knuşyo cali bocutho du notarozo gawonoyo du Mawtbo Michel Cabs.  Bu knuşyano dsim calu darbo du nawlo, drışlın i aykanoyutho du camo, da citotho, di Corona u bebzabno fsıqlın, dhowe knuşyo di sicto Sucronoyto du Mawtbo bu yarho d’Ob di…

Turkiya ba hçome dıksaymo larwal ma thumeyda, kobo husrono la came dıkhoyın ban athrawotho hrene xıd Suriya wu Iraq. Ba hçome dıkmdawmi ma hayle kaboşe d’Turkiya calu garbyo du Iraq, kmawqıdi an arcotho wa karme da qıryawotho du cameydan. Wu cal di şultonutho du qlimo’ste lıksaymo mede, kmıjbori a abne…

A ğrobe marhıbone d’Dacış mıde i mşalutho da hçome dsimi cal 68 camude rişoye du nqolo du kahrobo bu Iraq u gzımlın, dgımahrıwi u bınyono tahtoyo du athro. Me gabo hreno mcal fothe du qetrano du kahrobo bu Iraq, athmıl naqla hreto u camo kfix la zabuqone u mtayable tagliyotho…

Mcal fothe di xalyutho folitiqoyto u da rişone d’Lebnon, dlıknufqi moro lu athro u camoste hanaqla kmıhrım mu kahroboste. Bıthır mıd a şırak dıknuqli kahrobo l’Lebnon lıkmitahwelın a zuzathe, maklelın a fulhone du nqolo du kahrobo lhın ma fınyotho du athro. I sbutho mahişonitho d’Lebnon kımdawmo hanaqla, du camo lıkqodır…

İ şultonutho du rişono Amerikoyo Joe Biden, mahıtla 34 şırak, şutose wu farsufe hrene du Sin, bi lohithayda da tedbire momunoye. A tedbirani’ste mahti bu taro da dyoşe dıkmisomi cala zedqe noşoye u cali goşuşutho dıkmisomo bu darbo du nawlo b’Xinjiang. Amerika mahıtla 34 şutose frişe du Sin bi lohithayda…

‘U knuşyo d’Astana dan 16, provokasyon mqabıl du garbyo u du madınho d’Suriya’yo’ a melani du rişono zawgoyo du Mawtbo d’Suriya Demoqratoyto Riyad Darar’ne. Bi maqırhonutho dhuwle Darar calu huthomo da droşani dhawın beyn Rusya, Turkiya u İran bi mdito d’Astana, mawdacle dlo mşahlıf u qedomo dan tlotho athrawothani mqabıl…

Bıthır mıd zayidi a hawbe du qatlo wa hçome marıhbone b’Almanya, hın ma folitiqore tlıblın dmitadcıri a galwoye dıkmaşın gunhe, lanathrawothathe. İ folitiqorto du gabo d’SPD d’Almanya Franziska Giffey, bi maqırhonutho dhula mawdacla, du sutoro da bnaymothoye, zedqo cleytır mu sutoro d’farsufe dıkdayşi a zedqe da hrene’yo. A qroytotho dıkmisomi…

Bi qastra d’Telkepe bi daşto d’Ninwe bu Iraq, sim u futoho d’20 dukane di tagorutho bıthır mıd kamili a fulhone du hethothathe.  İ tarmithathe d’snido mu Tukoso Amerikoyo du Quyomo Emwothoyo-USAİD, mcadarla u dcoro d’hammış yaqrotho mu camaydan li qastra d’Telkepe. İ qastra d’Telkepe dıkhoye eba came u mathhabe tawdithoye…

A qıryawotho du camaydan dkıtne bi hiğmonutho d’Nuhadra bu garbyo du Iraq, midi naqla hreto nişo la hçome da hayle kaboşe d’Turkiya.  Lfuth a tebe dfrisi me Nuhadra, mcal fothe da hçomani d’Turkiya, yaqidi an arcotho di qritho d’Hazanke wan arcotho d’ğer qıryawotho di fnithoste hzelın husrono. A tayosyotho wa…

İ  kampanya dımabdele u Huyodo Suroyo d’Urifi ESU, kımdawmo dmitaşmco lu camo wu kmisomi a hedriyat du zwono da sniqwotho dıklozım la madraşyotho du camaydan b’Turabdin. Bi mawdconutho dmıdlan me ESU mawdacle, dhawilın mamlo cami sagiyutho da malfone da madraşyotho d’Turabdin u mşayelın mın sniqwotho kıtte. ESU athmıl mawdacwole dımşarele…

Senatore hreto d’Australia mdela i maqırhonutho leşan i mawdyonutho bu qtolğenso dsim calu camaydan, calan Armınoye ucala Yawnoye ban 1915 mi mamlaxtho da Cuthmanoye. Bi maqırhonutho du snodano di senatore Rachel Siewert, tlıbla mi şultonutho federaloyto d’Australia dımawdıyo ba qtolğense dsim cala 3 came Mşihoye. Bu yarho d’Şbot dı şafıcina,…

U huyodo Suroyo d’Urifi ESU mabdela kampanya di mcadronutho dla madraşyotho du cameydan dkıtne ba qıryawotho d’Turcabdin. Bi mawdconutho dıfrısle ESU ksoyım krayto lu cameydan D’Urifi dowın sanode bu momuno la madraşyotho laşan dmizwone a mlue dıklzmi lu telif odu leşono Suryoyo. U huyodo d’Suroyo d’Urifi ESU bıthır mu lumodo…

Bi netiçe du qrobo qaşyo dkımdawım bayn du gabo da falohe d’Kurdistan di PKK wu gayso kaboşo dı Turkiya, 11 qıryawotho hrene du camaydan dkıtne bi hiğmonutho d’Nuhadra bu garbiyo du Iraq maxlın ma comuraththe. Gawonoyith bi netiçe du qrobo dhawi bayn di PKK u Turkiya, maxle hul ucdo ba…

U mamlo du Mawtbo Folhoyo Suryoyo-MFS-u rabhaylawotho Aram Hanna mahkelem cali lo qonunoyutho dıksaymo Turkiya mqabıl da Mharbonathe dkıtne yasire bidothe d’Turkiya. Bi tahrazto di Orucutho dsimowa athmıl b’Suroyo tv, u malolo d’MFS mırle; Ahna xıd Mawtbo kımahtina u hayleydan kule leşan dmarfena a Mharboneydan dkıtne yasire b’Turkiya. Bi tahrazto…

U qaymaqam di qastra Suryoyto d’Bağdede bi daşto d’Ninwe- Cisam Behnam Matte mıstaqbele u rişono du gabo Athroyo di Hexemtho Camar Elhakim wi taşdarto dkıtwa acme. Bi lqoytathe a tre gabe drışlın i aykanoyutho da şuşote dkito bu athro u kalın cala esore basime beyn da bnaymothoye. Bu şuroyo di…

İ qadişutho du Papa Mor Fransis Qadmoyo, athmıl casriye bi slutho dımrayşanle, hthımle a ytawyotho dhawile cama rişone da citotho du camaydan udan Armınoye d’Lebnon. Bu mamlo dsımle i qadişuthayde, mawdacle da Mşihoye kıtlın methfathonutho la Maşılmone, bnişo dbonın i ahonutho u dmaqwın u şlomo. Bu nişo; Gab Aloho kito…

Bu snodo du Mawtbo Umthoyo d’Bethnahrin-MUB, u gabo du Huyodo Suryoyo Tibeloyo, mfaraqle a mcadrınwotho momunoye dıkmitahwın kull yarho, la yaqrotho sniqoye du camaydan b’Lebnon. Bıthır mıd kamıl u feroqo di mcadronutho, u rişono d’USUP İbrahim Murad bu mamlo dsımle, mawdacle dıklozım a Lebnonoye dmahti ido bido mqabıl du kboşo…

A qatole wa hayobe dımqabıl da came u da neşe mu zabno du Sayfo hul adyoma kmidafıc aclaye komır u tebo dsim mu taraf d’Marta Sömek li dafo d’Jin News. Bu tebano dmid u renyo da neşe da came dsim aclaye Sayfo kımmi in a’qatole du Sayfo dmıtlabwo menaye hşowo,…

Kmahwe u şroyo arconoyo lımamtele a’firayde, u mawxaste a’rişone da citotho du camaydan u da came hrene Mşihoye d’Lebnon, laqın adyawma bu Vatikan i qadişutho du papa Mor Fransis Qadmoyo. İ qadişuthayde wa fatıryarxe dmaqımlın adyawma teşmışto laşan u nuhomo d’Lebnon, ramhıl ste kmıntır du papa dıdorış cama rişone da…

Turkiya mawdacla adyawma dıgrişo ruşmoyith mu qyomo d’Stanbul dıknofıq mqabıl du cnufyo dıkmisım cala neşe b’Urifi. Calu fusqonano, u tukoso du şbuqyo d’Emwotho Mhaydotho Amnesti İnternational, mawdacle dı Turkiya daciro 10 ışne laxalf bi sbutho da zedqe di athto. Adyawma Turkiya mawdacla ruşmoyith dıgrişo mu qyomo d’Stanbul dıknofıq mqabıl du…

İ şultonutho du Iraq, mawdacla dhın athrawotho Caraboye u nuxroye mbayanlın 50 malyune dolare, laşan du hethotho da nuqazyotho makthabzabnoye da mdinotho dsim u huroraththe mu tukoso marıhbono dı Dacış. Bayn da nuqazyothani dgımihathıthi, kito citotho shife du camaydan, i mditho d’Namrud wa tarce d’Nargal d’Ninwe. İ wazirutho di mardutho,…

Tlotho bu yarho dı Tamız dıbqamuthayna, gıdmisım u futoho di cito d’Mor Tuma da Suryoye Qatholiqoye bi mditho d’Mawsal bu Iraq. Hathe i cito qamaytoyo dgıdmisım u futohayda bi xasra yaminoyto d’Mawsal, bıthır mıdkamili a’fulhone du hethothayda. U kohno di cito d’Mor Tuma da Suryoye Qatholiqoye di mditho d’Mawsal qaşişo…

İ tarmitho dmabdewola meqım şato laşan i mlahmonutho du kenşo di daşto d’Ninwe, mkamela a’fulhonayda. Bi tarmithathe hiwıste duroşe li claymutho ula rişone du kenşo cal aydarbo kibın dımdabri ud’şorın a’krize dkibe bu dactid dnıfqi liholo. U qentrun Iraqoyo da bazare udi mdabronutho da krize, mafıtla la haye tarmitho ba…

U fırco da esore baroye du wahdo d’Urifi-du Huyodo Suroyo d’Urifi ESU, mşadarle egartho lu parlamento d’Urifi calu Sayfo dsim calu camaydan ban 1915. Camgabe du parlamento, ESU mşadarle  egrotho la qoyume dan athrawotho d’Almanya, Hollanda, Austoria, Swisra, Fransa, Beljika u Britania. Bi egarthathe dımşadarle u Huyodo Suroyo d’Urifi u…

A rişone d’tarte mdinotho d’Australia, mıştawtaflın la qroyotho dsimi leşan i şultonutho du rişwazire, dmawdıyo bu qtolğenso dan 1915. Ba maqırhonwotho dfrıslın a rişone da tarte karxwothani mamtelın lu bolo di şultonutho d’Camberra, du parlamento di marcitho d’New South Wales mawdewola bu qtolğenso dsımwo calan Armınoye, Suryoye Othuroye u Pontusoye.…

Cito hreto catıqto du camaydan b’Turabdin, simo stabıl. I cito d’Mor Aday dkıtyo 1.400 eşne catıqto bi qritho d’Basak dıknuflo qarıwto l’Midın, noşo lo nafıqla moro wu ucdo dsimo stabıl da haywotho. A citotho wa dayre catiqe du camaydan b’Turabdin, fayışi harbotho u shifi cal di şultonutho lıknufqolın moro wa…

Dafo Amerikoyto sımla maqıblonutho camu mathlono du gabo Demoqratoyo da Came-HDP b’Woşington Giran Özçan. Bu mamlayde Özçan maglele, du rişono Amerikoyo Joe Biden grışle u zuhoro du rişqutno Turkoyo udu rişono Rusoyo, dlo saymi hçome cala dukotho dkıtne bi morutho da Haylawotho d’Suriya Demoqratoyto. Giran Özçan dkıtyo u mathlono di…

A taxtuşe wa hçome dıkmdawmi beyn da hayle kaboşe d’Turkiya udu gerilla di PKK bu garbyo du Iraq, bıdelın ucdo’ste dobın husrono lu turizm du qlimo. I daira du turizm d’Nuhadra mawdacla, mcal fothe da taxtuşani jbiri d’suxri hol 20 dukotho da socure b’Zaxo. Bi maqırhonutho dfrısla athmıl i daira…

U parlamento federaloyo d’Australia, bıha femo tlıble mi şultonutho du Iraq dımşatso şultono yothoyo lu camaydan dıkhoye bi daşto d’Ninwe lfuth u fusqono dımaqbalwo bu prensip mi şultonutho d’Boğdod ba 2016. Bebzabno, u parlamento d’Kanberra bi rmoyto dımaydle, mıctarafle du camo Othuroyo kımathıl u camo şerşoyo du Iraq, u sımleste…

Bi sbutho di iqartho dbe Diril dıhtifowa bi qritho d’Mahre bi fnitho d’Şırnax msik 3 farsufe dıkmithomi bu htofo d’Şmuni u Hırmıs Diril. Lfuth i mawdconutho dmıdlan mi iqartho dbe Diril, bıthır mu msokano da tlotho farsufe, kıtte sabro rabo dothelın tebe cala haye du babathe Bi mawdconutho dmıdlan mu…

Mşarela i Sunadus di cito Suryoyto Orthodoksoyto bi fatıryarxutho dkıtyo b’Catşane d’Lebnon. Cali zminutho di qadişutho du fatıryarxo Mor İğnatiyos Afrem II, hadıri adyawma a hsayo mcalayo wa kohne di cito, li Sunadus qadışto. Cali zminutho di qadişutho du fatıryarxo Moran Mor İğnatiyos Afrem II, mşarela adyawma safrayto i Sunadus…

Masrıh efesqufo hatho li marcitho du macırbo d’Amerika di cito Catıqto d’Madınho. Bu zawho ruhonoyo dımtayıb bu qlimo d’Arizona, qaşişo Şamli Tamras masrıh efesqufo bu syomido di qadişutho du fatıryarxo Mor Aday Trayono. Yawme d’Huşano dşaficina dkıtwe u duxrono du cedo d’Fantiqusti, i qadişutho du fatıryarxo di cito Catıqto d’Madınho…

A gabe  u tukose  komonist baynothemwothoye frıslın maqırhonutho dıkmawdin bu sayfo du camo Suryoyo Othuroyo. A fulhonani di mawdyonutho simi mu taraf du tukoso Suryoye gawonoye d’Bethnahrin. Bi maqırhonuthathe dıfriso dıg mitahke calu Sayfo u wa fulhone bişe dkımdawmi mi şıltonutho d’Turkiya calu camo Suryoyo krayzi a zedqe dkıtle u…

A şutose du mawtbo umthoyo d’Bethnahrin b’Swisra camu snodo du hudro Suroyo d’Azex mtayablın duxrono du Sayfo laşan u iqoro du yawmo şatonoyo dkıtyo 15 bu yarho d’hzirin. Bu yawmano dsim bu hudro Suroyo d’Azax marduthoyo sim mamle me farsufe mşahılfe cali macne du duxronano du Sayfo. U duxronano dımşarele…

Adyoma ba şoce d’Safrayto bu quwolo dhawi bu parlemento du Swed madıryo i şıltonutho du Swed dkıtyo bi rişonutho du gabo da Sosyaldemoqratoye d’Stefan Löven. Bıthır mu qatro dımşarewole bayn lu gabo Semoloyo wa sosyaldemoqratoye cali sbutho da kırat da bote, u gabo da semoloyo mawdacwole dlı fayışle tuxlono lu…

U tboco froso tibeloyo maglele liholo di şultonutho d’Erdoğan kıqıtlo a’neşe b’Turkiya, b’Suriya ubı Fransa. İ sferyawmo İsarloyto d’Jerosalem Post, mawdacla da neşe dkobın ağuno laşan dmitahwelın a’zedqaththe kmitahwın b’Turkiya xıd marıhbone, elo a’gabre dıksındi i marıhbonutho b’Suriya kmiyaqri b’Anqara xıd athlite awkith batle gabore. İ sferyawmo İsarloyto d’Jerosalem Post,…

Amerika mzaharla di lahbe rabtho di marıhbonutho gıdşıfco li qıtca d’Afriqya. Lfuth i sferyawmo Amerikoyto d’The Washington Times, u rabhaylawotho Steven Taunsind mawdacle da tukose marıhbone rabe xıd Alqacida u Dacış kul dkothe kzoyıd u haylaththe b’Afriqya. İ sferyawmo Amerikoyto mşamahto d’The Washington Times, mawdacla d’general Amerikoyo b’darğo rabo mzaharle…

I cito Suryoyto Marunoyto, bu fusqono dmıdla bi Sunadus harayto dsımla, gıdobo yuqro lu yulfono du leşono Suryoyo. Bu fusqonano dmıdla kmitamır, da kohne di cito klozım dobın yuqro lu tewlifo du leşono Suryoyo Marunoyo.  Xıd kıtyo idico, i cito Suryoyto Marunoyto bi sagiyutho da slawotho da Qurobe Alohoye, kmisomi…

Ba mele ‘Brixo u yubolo du Mawtbo Umthoyo d’Bethnahrin’ kımşare u buyono dfrısle u Huyodo da Neşe d’Bethnahrin, bi cohnutho da 21 eşne di mşatsonutho d’MUB. Bu buyonano HNB mırle; Cami nfaqto d’MUB ftih warqo hathto lu camaydan uli umthaydan. Bi falsafe di hirutho mhalqi dawsat rabe, u MUB mathele…

Qritho hreto me du camaydan b’Zaxo bu garbyo du Iraq, hawyo wahdo du qrobo beyn da hayle kaboşe d’Turkiya udu gerilla di PKK. An abne du camaydan di qrithathe kımmi; Hani arbac naqlat kınufqina u kıducrina li qritho mcal fothe da taxtuşani. Fayış lo kudcina layko gıdızzan u mın gıdsaymina.…

Bu zabno da rişone di şultonutho d’Turkiye ksaymi mamle di bcelıdbobutho u di frişutho mqabıl da gabe, farsufo b’falge du yawmo kısoyım hçomo calu maktbo du gabo Demoqratoyo da Came-HDP b’İzmir.   Bıthır mu hçomano dı qtili hdo claymtho dkıtwa bu makthbo, a gabe mahwelın u hfuxyathe u krıhlın u hçomano…

Ba mele; U Mawtbo Umthoyo d’Bethnahrin, u strateji di zoxutho du camaydan’yo, kımşare u buyono dfrısla adyawma i Sictho di Rişonutho d’MUB. Bi cohnutho di mşatsonutho d’MUB dkıtyo 18 Hziron kmitawdıc; İ mşatsonutho rabtho d’MUB leşan du camaydan u siqumo du ağuno di hirutho, udu fusqono du tecliyo du rişo…

U fağro du mnohnafşoTlithoyo tube hasyo Mor Yacqub Bahnan Hındo d’nqılwo ma hayani bi mdito d’Paris, mcafe athmıl bu athro d’Lebnon. Lu cufoyo du rişhasyo catiqo di marcitho di Hasake u d’Nsiwın di cito Suryoyto Qatholiqoyto, mıştawtafle menyono d’fatıryarxe u hsayo, rişone da citotho mşahılfotho du camaydan b’Lebnon. Athmıl casriye,…

İ hadımto bu Komisyon Amerikoyo di Hirutho Emwothoyto da Tawdiyotho Nadine Maenza, mnaqyo ucdo rişonitho zawgoyto lu Komisyonano cam Nury Turkel. Atre rişone zawgoye gıdmdabri u Komisyonano holi şato da 2022. Maenza, kmidoco bu snodayda lu camaydan u gawonoyith la Mşihoye b’Suriya ubu Iraq. Bu knuşyo dsımle u Komisyon Amerikoyo…

U mdabrono gawonoyo du yulfono Suryoyo Cimad Salem Jajjo, mıstaqbele bu makıthbayde b’Boğdod, taşdarto mu komisyon celoyo da zedqe noşoye du Iraq. Bi ytawtathe d’drişo eba i aykanoyutho du yulfono Suryoyo bu Iraq, hiwste mawdconutho li taşdarto calu menyono da yolufe du camaydan uda madraşyotho dıkmitaqre ebaye u leşono Suryoyo…

U camaydan dmahzamle ma mdinotho du Iraq lu qlimo d’Kurdistan mcal fothe da Maşılmone tuhmonoye, ucdoste kmırdıf mi şultonutho du qlimo dıkımdacyo dkıtyo i nuqazto di hirutho tawdithoyto udi demoqratoyutho bu Iraq. Bıthır mu kriz da msone dkıtwo tahtaye Slibe dımzabniwo b’Arbil, ucdoste mbarbız ba betharke du qlimo, kthowo dıkmlakıh…

180 folhe di Peşmerge du qlimo d’Kurdistan, rfıdlın dmıştawtıfi lu qrobo mqabıl di PKK. Mawdıc da folhani dhozanwo droşo bi maşritho d’Aturş, mhalaqe a zaynathe u rfıdlın dımharbi mqabıl du gerilla. Me gabo hreno mawdıc, ban alfayo d’dönumat d’arcotho da turone d’Nuhadra yaqidi, mcal fothe da hçome dıksaymi a hayle…

U Federasyon da Hudre Suryoye b’Turkiya-SUDEF wu hudro da Neşe Surkadim, adşato’ste sımlın u duxrono du Sayfo du cameydan bi qalco du mrodo dhuwole u camaydan bi cito d’Mor Hadbşabo bi qritho d’Ciwardo. Camgabe di slutho dsimo, u rişono d’SUDEF Ewgil Turker wi rionitho d’Surkadim mqadamlın mamle bu duxronano. U…

Bi maqıblonutho dsimo camu rişono du Federasyon da Hudre Suryoye d’Turkiya Evgil Türker, mahkele b’rwihutho calu Sayfo dsim calu cameydan mi mamlaxtho Cuthmanoyto bu zabno du qrobo qamoyo dbritho. Türker mırle; Ahna kubcina şubqono u mawdyonutho bu Sayfo, latna bıthre dmitahwelan tazminat. Bi maqıblonutho dfriso bu tbocofroso d’Turkiya u rişono…

U qoyumo şaryo du cameydan bu parlamento d’Turkiya Tuma Celik, frısle maqırhonutho bu yawmo du duxrono du Sayfo dan 1915. Bi maqırhonuthayde u qoyumo, kımahke mıqa mu camaydan qtılwo bu zabnawo u camgabıdathe komır; İ sbutho du Sayfo, sbutho rişoyto du athro d’Turkiya’yo.  U qyumo Tuma Çelik komır; U qetro…

U gabo du Huyodo d’Bethnahrin Athroyo d’HBA du Iraq, mtayable ramşitho bi cohnutho du yawmo şatonoyo du qtolğenso du Sayfo da na’1915. Bi ramşithathe dımtaybo bi daşto d’Ninwe bu garbiyo du Iraq, sim mamlo rwiho, u qre mimre calu Sayfo, u maqımste teşmışto cali ruho da sohde.  I mditho d’Bağdede…

Bi mdito d’Pohlheim bu qlimo d’Giessen d’Almanya, mtayıb hfitutho ruşmoyto qum di qoyumtho du Sayfo da Suryoye bu wahdo di karxutho d’Pohlheim. Bebzabno ba citotho d’Delbrük, d’Gutersloh udı Delmenhorst mqadım ste teşmışyotho u sim mamle calu qtolğenso mayiro dhawi calu camaydan mi mamlaxtho da Cuthmanoye. Athmıl dkıtwe u duxrono da…

Bu duxronano da 106 eşne du Sayfo, mtayıb bi mdito d’Södertelje du Swed turgomo bu benyono du froshezwo d’Suroyo tv. U turgomano, dımtayıb m’şutose frişe du Mawtbo Umthoyo d’Bethnahrin-MUB, maczım’ste ele malole frişe dmahkelın cala celotho dsim u Sayfo wu tathir dtrele calu camaydan. Bu salon da hage bu bınyono…

A şutose du Mawtbo Umthoyo d’Bethnahrin d’Hollanda sımlın u duxrono du Sayfo di şato 1915. Bebzabno, i marcitho d’Hollanda bi rişonutho d’Mor Polikarpos Awgin Aydin cama kohne u hadome da mawtbo da citawotho, sımlın u duxrono du Sayfo dıknofıl bu siqumo d’15 bu yarho d’Hzirin kul şato. A şutose du…

U mawtbo Umthoyo d’Bethnahrin bu buyono dıfrısle bu duxrono du sayfo komır ktılbina hşowo ma hayle dkımdawmi u qtolğenzo calu cameydan. MUB bu buyoneyde ebe u zuhoro cala hfitwotho du sayfo dımşarewolın bi şato da na’1994, mawdacleste du nişathe dmitaşmıc u sayfo lı brithowe. U buyuono dıgtocın rişoyto dıgtılbina hşowo…

İsdirutho d’Zahle du gabo du Huyodo Suryoyo Tibeloyo d’USUP, mtayabla hfitutho catırto u ruşmoyto bi cohnutho dşafıc 106 ışne calu qtolğenso mariro du Sayfo da na’1915. Li hfituthathe, mıştawtafle wazire, qoyume, rişone citonoye u mşale d’gabe u şutose Suryoye u Armınoye. Bu duxrono da 106 du qtolğenso du Sayfo dsımwola…

U camaydanste dıkhoye bu Iraq u bu athro d’Almanya  mathkarle a’106 ışne du qtolğenso du Sayfo. Bu qurobo alohoyo dımtayıb bi mditho d’Caynkawa bu Iraq, u bi cito d’Mor Dimet d’Hamburg d’Almanya maqım teşmeşyotho u sim mamle calu duxrono du Sayfo. Bu Siqumo d 13.06 bi rishonutho du Kuhno Abuna…

A şutose du Mawtbo Umthoyo d’Bethnahrin bi fnitho d’Örebro du Swed sımlın u duxrono şatonoyo du sayfo dkıtyo 15 hzirın qumi qoyumto du sayfo dkıtyo bu wahdo di cito d’Yoldathaloho da Suryoye ortoksoye.  İ tahrazto du duxronano dıfriso hayo b’Suroyo tv u mathlono d’MUB Yahkub nuhomo mahkele cali ulsoyutho du…

İ qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan, sımle socurutho li mditho d’Alqaryatayn dkıtyo bi hiğmonutho d’Hımıs b’Suriya. Bi socuruthathe, fatıryarxo Yunan karıx bi dayro d’Mor İlyan u mıdle mawdconutho cala fulhone du hethothayde. İ qadişutho du fatıryarxo di cito Suryoyto Qatholiqoyto Mor İğnatiyos Yusıf…

Bu zabnano dımqarawle u duxrono du Sayfo dsim calu cameydan bi şato dan 1915, hın ma gabe u şutose du camaydan bıdelın dsaymi hfitwotho, leşan dımyaqri a Sohde dbıhlın a hayathe qum du cameydan.  Bı Swisra-bu kanton d’Tiçino mathkarle ESU wu Mawtbo d’Mor Yahkub mathkarlın a Sohde, ube bzabno b’Beljika…

A Haylawotho d’Suriya Demoqratoyto, rfıdlın a thome dıfrisi u dımdace dkıtte sawco ba hçome dsimi cali mdito d’Afrin. Camathe’ste i Mşatasto da zedqe noşoye d’Suriya m’akadla, ba hçome dsımle u rejim cal Afrin, qtil hol 20 mdinoye. Me gabo hreno, a comure d’Afrin mahwelın hfuxyo qaşyo mqabıl da hawbe dıkmaşın…

Mınyono ma hadome di taşdarto da gabe folitiqoye frişe d’Almanya dabici dızzın athmıl lu qlimo d’Kurdistan du Iraq, maklın bu bethtawso d’Dusseldorf u ğerste maklın bu bethtawso d’Arbil. U msokano da hadome di taşdarto Almanoyto athi lu huwoyo, bu zabno dıkmdawmo Turkiya a hçomayda calu gerilla di PKK bu garbyo…

Adyawma-yawme d’Huşabo, hın ma citotho du cameydan bu athro ubi golutho, mathkarlın u yawmo du duxrono du Sayfo dan 1915. Ba mamle dsımlın a kohne, mahkelın calu Sayfo u hın menayeste mahkelın du cameydan wi claymuthaydan klozım dobın ağuno mqabıl da hçome dkowe calu cameydan. Adyoma dkıtwe yawme dhuşabo dmeqım…

‘İ şultonutho d’Australia, gıdorşo me hatho i klaytayda bi sbutho du qtolğenso dsımwo ban 1915 calan Armınoye, Suryoye Othuroye u Pontusoye’ a melani di wazırto di baroyutho d’Australia Marise Payne’ne. Bu mamlayda Payne mırla’ste; Bi sbuthathe du qtolğenso, kıdorşina’ste u qedomo wi klayto dkıtla Amerika uğer athrawotho hrene bu şwolano.…

U Mawtbo Gawonoyo d’Emwotho Mhaydotho, mnaqele hamşo athrawotho hrene lu Mawtbo di Mşaynutho d’Emwotho Mhaydotho dıkmişakıl me 15 athrawotho hadome. An athrawotho d’Albania, Brazil, Gabon, Ghana wa İmarat Caraboye gıdmşarın ha bu yarho d’Konun u haroyo da 2022 bi hadomuthathe lu Mawtbo di Mşaynutho. Bu quwolo dsim athmıl bu Mawtbo…

Bi mdito d’Qamışli d’Suriya, mtayıb u lumodo qamoyo du Mawtbo da Neşe du garbiyo udu madınho d’Suriya dımşataswo meqım tarte ışne. Lu lumodano dsim leşan dmitakso i athto du garbay madınho d’Suriya, mıştawtafla i rişonitho zawgoyto du Mawtbo mşablono du qlimo di Gozarto d’Bethnahrin Nazira Gawriye. Bu nişo“u qawmo di…

U hayklo d’Yuldath Aloho di qastra d’Batnaya dmahrawo ma grube marıhbone d’Dacış, ucdo kamıl u hethothayde bu athro d’İtalya. U hayklano dgımitakrıx ramhıl bi mditho d’Joşano d’İtalya, kmıntır d’menyono ma kohne du camaydan du Iraq’ste dmahkın calu haşo rabo dcayışwo u camaydan bu zabno da hçome dsımwole Dacış cali daşto…

U tukoso Emwothoyo du Şbuqyo-Amnesty, frısla taşroro cala hawbe dsımle u Sin mqabıl di noşutho.  Lfuth a buhone dsimi magle, cala rdufye dsimi cala qalilotho bi maşritho d’Xinjiang u mawdıc, dmafiti b’teşniqe qaşye u maşığ mehaye. A thome mqabıl du Sin udu qedomayde la zedqe noşoye kımdawmi dmaydi duktho bu…

İ daira Swedoyto dıkmtahqıbo a madraşyotho du athro, sxırla tarte madraşyotho da Mşılmone bi mdito d’Örebro. A madraşyothani dkıtne cayıd d’al Azhar, sxiri cal dmawdıc da yolufe kmitahwelın yulfono radikal udha ma mşale da madraşyothani azzewo l’Suriya leşan dmıştawtıf cama marhıbone. A madraşyotho d’al Azhar dkıtne b’Vivalla ubı Mellringe d’Örebro…

A bote da comure d’qıryawotho frişe di hiğmonutho d’Nuhadra du Iraq, manhıbi u mahrıwi. A more da botani jbiriwo dmahzımi ma qıryawothathe mcal fothe da hçome da hayle kaboşe d’Turkiya calu gerilla di PKK. 6 yarhe bıthır mıd a comure d’qıryawotho frişe d’Nuhadra bu garbyo du Iraq jbiriwo dmahzımi ma…

U Mawtbo da esore baroye d’Urifi, ba maqıblınwotho dsımle cama came du Huyodo d’Urifi, mahwele di sagiyutho da bnaymothoye kımqadmi l’Turkiya xıd athro bceldbobo. Mxasra hreto, i mdabronutho di PKK sımla qroyto la hayle ulu camo Kurdoyo dbritho, dsundi u gerilla bu qrobo dkobe mqabıl d’Turkiya. Bu zabno d’Turkiya mhalqo…

U Huyodo Suroyo d’Urifi-ESU, grışle u zuhoro du Huyodo d’Urifi calu Sayfo dsımwola i mamlaxtho da Cuthmanoye ban 1915 calu camdaydan u Suryoyo Othuroyo Kaldoyo Oromoyo. Lfuth i mawdconutho dmatilan me ESU, mşadarle egartho l’703 qoyume du Huyodo d’Urifi u tlıble menaye dmawdın bu Sayfo dsim calu camaydan. Bu zabno…

U qentrun fatıryarxoyo di cito Suryoyto Marunoyto dı Bkırki, sımle baytoyutho lu knuşyo da fatıryarxe u da rişone da citotho d’Lebnon. U knuşyano mtayıb xıd hıdriye di lqoyto dgıdhowelın a rişone da citotho d’Lebnon cami qadişutho du papa du Vatikan Mor Fransis Qadmoyo, bnişo dmıdroşo i aykanoyutho gawonoyto du athro…

U notarrozo gawonoyo du gabo du Huyodo Suryoyo Tibeloyo d’USUP sniğro Mişel Mallo, bi ytawto dhawile camu gabo Armınoyo d’Alramğafar u ferco d’Zahle, drışle i aykanoyutho harayto bu haqlo folitiqoyo d’Lebnon. U hadomo du makıthbo folitiqoyo du gabo d’Alramğafar d’Lebnon Koko Mağaryan dkıtyo bebzabno u mşalo du ferco d’Zahle ud’Albiqac…

A’gabe kurdoye du garbay madınho d’Suriya, krıhlın a’hçome dıksaymolın Turkiya cala fenyotho du garbiyo du Iraq, udkowın celtho l’taxtuşe gawoye dıkmisom bayn da hayle Kurdoye. Bu buyono dıfrıslın a’gabe Kurdoye du garbay madınho d’Suriya, sımlın qroyto la gabe Kurdistanoye du garbiyo du Iraq dyıtwi la droşe du diyalog, udmahti a’qetre…

U rişwazire du Iraq Mustafa Alkadhimi mıstaqbele i qadişutho du fatıryarxo di cito Kaldoyto d’Bobıl Mor Luwis Rofayel Qadmoyo Sako. Bi ytawtathe d’athyo luhwoyo bıthır mi egartho dımşadrowole i qadişuthayde l’Alkadhimi, grış u zuhoro calu camaydan dıkmidış bi daşto d’Ninwe. I qadişutho du fatıryarxo di cito Kaldoyto d’Bobıl Mor Luwis…

I wazirto di galwoyutho bi şultonutho du Iraq İvan Faeq Jabro, laqyo u mcadrono qadmoyo du rişono du parlamento Hasan Alkacbi. Bi ytawtathe, Jabro drışla i sbutho da bote kbişe du camaydan uda Sabiaa Mandoye wu tedciro da mulkonani la morathe. U mcadrono qadmoyo du rişono du parlamento du Iraq…

 Bi mditho d’Melborn bu athro d’Australya, sim u futoho du qentrun d’qadişo Mor Cabdişoc di cito d’Madınho d’Othuroye.  U qentrunano dıkmişakıl m’salon u menyono d’qeloyotho, gıdmitahwe ebe u yulfono di haymonutho Mşihoyto, u gıdmitahrıg ste ebe u leşono Suryoyo emhoyo.  I marcitho d’Australya di cito d’Madınho d’Othuroye, sımla ba yawme…

U rişizgado d’Turkiya dkıtyo b’Stockholm, sımle socurutho li marcitho di cito Suryoyto Orthodoksoyto du Swed dkıtyo bi rişonutho du metrofolito Mor Diyasqoros Benyamen Ataş. Bi ytawtathe, kıtwo u mşalo da esore baroye Suleyman Kurt wu rişono di marcitho Yılmaz Bısse wu mşalo di cito d’Mor Afrem Rubel Xalaf. Bi socuruthathe…

U koalisyon Emwothoyo dkıtyo bi rişonutho d’Amerika, mşadarle lojistik folhoyo li foquduthayde dkıtyo qarıwto li Hasake bi Gozarto d’Bethnahrin. Bebzabno mawdıc, du koalisyon mşadarle radoyotho folhoye la hayle Iraqoyeste. Me gabo hreno a rabayhaylawotho d’Amerika udu Iraq, hawilın ytawto bu taro da droşe stratejikoye dkito beynothaye, bi sbutho du groşo…