Çekiya gıdzawno sisteme du sutoro me İsroyel

İ qutnutho d’Çekiya, gıdzawno sisteme du sutoro me İsroyel bnişo dmaqwıyo a esorayda cami şultonutho d’Tel Aviv.

0İ wazirutho du sutoro d’Çekiya mawdacla, du nişathe bu zwonano da zayne d’İsroyel, dımşahlıfi a zayne kulle dkıtle u gaysathe heş mu zabno da Sovjet’yo.

İ qutnutho d’Çekiya, ftıhwola i rişizgaduthayda b’Urışlem bu yarho d’Odor d’şafıcina wu ucdo’ste i waziruto du sutoro m’akadla, dkubci ucdo zıttır dmaqwın a esorathe cam İsroyel. Bu tarano mid fusqono, d’zawno Çekiya 4 sisteme du sutoro me İsroyel.

U nişo’ste dan 4 sistemani du sutoro da thume oyaroye d’İsroyel dkıtne di messafe kritho, dkomıl u şedorathe l’Çekiya holi şato da 2026. Mawdıc’ste du nişo du zwono da sistemani d’İsroyel, dmibadli u dmihathıthi a zayne kulle dkıtla Çekiya dkıtne heş syamto da Sovjet.

İ wazirutho mawdacla, du timo da sistamani 631, 8 milyone dolare’yo u gıdmitahti bıdukthe da sisteme catiqe da Sovjet dkıtne heş man 1970’yat. Bi maqırhonutho dhuwla i wazirutho m’akadlaste ddrışlın a mkone du zwono d’9 sisteme frişe me 7 şırak nuxroye.

Elo u sistemano d’İsroyel mahwele u towo dkulle leşanaye u lfuth u şıkıl da zayne dıkmaqbıl u NATO’ne. İ şultonutho d’Çekiya maclela i buçte du suturo leşan dımhathıtho u dmaqwyo u gaysayda u ışqad mabdewola a droşani cam İsroyel leşan u zwono da sistamani dkıtte radare qawye.