CENTCOM mawdacle Rusya u Rejim d’Suriya kıbci mafqi fıtne bu qlimo di Gozarto

U qentrun da hayle d’rabhaylawotho d’Amerika b’CENTCOM mawdacle d’Suriya u Rusya kımnasen mahti fıtne bayn da haylawotho d’Suriya demoqratoyto QASADE u la caraboye di fnitho.

Me gabo hreno komır a hjome dıksaymo Turkiya cali fnitho kamkılyo QASADE mu ağuno dımqabıl dı DACIŞ.

Bu taşroro dıfris mu qentrun da hayle d’rabahaylawotho CENTCOM komır. İ şıltonutho d’Suriya ksaymo hboso rabo cala Caraboye laşan dımtaksi ruhaye lıhude u dılo cıbri cam QASADE, be bzabno Rusyaste ksaymo fıtne bayn da caraboye u la haylawotho d’QASADE komır u malolo d’Centcom John Rigsby.

Bi mawdconutho dhule Rigsby komır ba yawmotho d’şaficina atre haylani d’Rusya u Suriya sımwolın hboso cala caraboye dmankıri QASADE u dlo maqıblınne xıd haylo folhoyo druhaye.

Bu taşrorano CENTCOM komır Turkiyaste kımnasyo dı makılyo u ağuno dkobın a haylawotho d’QASADE mqabıl da marıhbone dı DACIŞ. U qento wa gzome dkothın cal QASADE latne ma marıhbone dı Dacış elo ma haylawotho d’Turkiyane.

Bu taşroro komırste dılayto rımzo mede d’Turkiya gıdsaymo scoyo awkith hjomo cala haylawotho d’QASADE u bi sagiyutho da carboye kmaqıbli a haylawotho d’Suriya Demoqratoyto QASADE.

Me gabo hreno u waziro di baroyutho d’Turkiya Mewlut Cavuşoğlu bi maqırhonutho dhule lu tboco froso sımle sturyo Rusya u Amerika dkımnasın saymi hdodyutho bayn da gurube da Kurdoye. ,

Cavuşoğlu qay latyo thnihoyo mi hdoyutho da kurdoye dı bayne dıhdode galyo yo, metul d’inaqa da came di fnitho kule dmihaydi bgawe dıhde kul camo lruhe u bıthır a came camhdode dsaymi awyutho Turkiya lık faşla muklo bi duktho mawxayo.