Charls Brown mnaqe rişono hatho du haylo oyaroyo d’Amerika

Charls Brown mbayın rişono hatho du haylo oyaroyo d’Amerika.

 Brown dkıtyo pilot folhoyo, kmıhşuw u farsufo qamoyo b’gawno komo dkımrayşın ha ma nışto hayle du gayso d’Amerika.

 U mawtbo da senatore di kongre d’Amerika, bu quwolo dsımle adyawma bıha femo maqbele u rabhaylawotho Charls Brown dhowe rişono hatho du haylo oyaroyo d’Amerika. Ubu şıkılano Brown hawi u rabhaylawotho qamoyo komo bu makthabzabno d’Amerika dkımrayşın ha ma nışto ferce da haylawotho du gayso du Pentagon dkıtne u haylo oyaroyo, u haylo di naşfe, du yamo, du athir u ğer.

Bebzabno, Brown dcımre 57 ışne, kmıhşuw u rabhaylawotho komo trayono bu makthabzabno d’Amerika dkowe hadomo bi mdabronutho mşawtafto du gayso bıthır m’Kolen Paul.

Brown mi şato da 1984 pilot di tayısto folhoyto d’F-16 we, u mıştawtafwole la qrobe dhawınwo dilonoyith bi fnitho du yamo şalyo ubu qlimo du madınho mescoyo.

I kongre d’Amerika bıthır mdımbayanla Brown rişono du haylo oyaroyo d’Amerika, u rişono Donald Trump baroyo mıdhele calu fusqonano. Trump bi maqırhonutho dıfrısle bi dafayde du Twiter mırle “hano yawmo makthabzabnoyo l’Amerika yo. B’hamas no ğalabe d’folahno b’şıkıl tawtır camu rabhaylawotho Charls Brown dkıtyo gabro mothonoyo u rişono rabo”.