Cimad Salım Jajo sımle socurwotho la nuqazyotho du yulfono du leşono Suryoyo

U mdabrono gawonoyo da yulfone du leşono Suryoyo bu Iraq Cimad Salım Jajo sımle socurwotho la nuqazyothodu yulfono du leşono Suryoyo bi daşto d’Ninwe.

Bi socuruthathe, camu mdabrono Jajo mıştawtafwole u mşalo di mdabronutho di tarbitho di hiğmonutho d’Ninwe Yusuf Faraj Elsabcawi.

U mdabrono sımle socurutho dıtre yawme la nuqazyotho du yulfono Suryoyo dkıtne bu şalwo d’ninwe u yawmo qamoyo sımle socuruthola nuqazyotho dkıtwene b’mawsal u hedora laşan dımcaqıb a şuşote dkowın bu telifo du leşono Suryoyo.

Bu yawmo trayono sımwole socurutho la tarte qastrat Suryoyotho Bağdede u Barıtle bi mıştawtfonutho du mşalo di tarbitho d’Bağdede Rafed Yusuf.

Bi socuruthathe dsımle la nuqazyotho du yulfono Suryoyo me qariwo mşayele calu tewlifo du Suryoyo u mahwele yasifutho dutewlifo du leşono Suryoyo.

Bu şıklano u mdabrono gawonoyo duyulfono Suryoyo Cimad Salim Jajo

Mcaqable me qariwo a buhrone da yulfone du leşono Suryoyo ba nuqazyotho du yulfono dkito ba şalwo d’Ninwe.