CIRAQ: U omuro Suryoyo Zuher Bahnam Barda nqil ma haye
U omuro Suryoyo idico bu athro du Ciraq Zuher Bahnam Burda nqil ma hayani. U omuro mhasyo Burda dkıtyo mi mditho Suryoyto d’Bağdede di daşto d’Ninwe, mıdwole woliyotho mşahılfe ba şutose di sofroyutho du Ciraq.
U huyodo gawonoyo da sofre uda kothube du Ciraq, mawdacle du tahlufo du notarrozayde u gawonoyo omuro Zuher Bahnam Burda dkıtyo bebzabno u rişono du makıthbo marduthoyo Suryoyo du huyodo, adyawma mi celtho d’kriz dlıkmıntarwo du hulmono, nqil ma hayani b’cumro d’74 ışne.
U omuro Suryoyo Burda dmawlıd bi mditho d’Bağdede bi daşto d’Ninwe, hadomowe bu huyodo da sofre uda kothube Caraboye, hadomo we l’tarte dawrat bu mawtbo qentrunoyo du huyodo da sofre uda kothube du Ciraq, ubebzabno hadomo we bu huyodo da sefre uda kothube Suryoye.
Omuro Burda dıkthule menyono celoyo d’mimre u mimaryotho ba tre leşone Suryoyo u Caraboyo, fılhwole b’mğale ub’sferyawme mşahılfe, uflıhwole ste bu froshezwo ubu frosqolo gawoyo d’Mawsal.
Omuro Burda frıswo u mimrayde u qamoyo bi sferyawmo d’Egartho d’Mawsal bi şato da na’1973, mıştawtafwole b’cadcide mşahılfe da mimre udi sefroyutho, baynothaye cadcide dımtaybiwo ba mdinotho d’ Bayrut, Camman u Dawha.
Bi şato da na’1975, omuro Zuher Burda qamırwo u şukono da mimre bu muroyo dımtayabwola i mğaltho du re nyo Mşihoyo.
Bayn da kthowe rabe da mimre dmawfaqle, kito kthowo dışme “i sogitho du fağro bu yawmo da 13” u kthowo hreno dışme “mdinoyutho b’form d’guşmo”.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
